مصر موتورز مجتمع السيارات - رقم الموتور والشاسية

مصر موتورز مجتمع السيارات (https://www.masrmotors.com/vb/index.php)

- ميكانيكا السيارة (https://www.masrmotors.com/vb/forumdisplay.php?f=148)

- - رقم الموتور والشاسية (https://www.masrmotors.com/vb/showthread.php?t=111953)

رقم الموتور والشاسية

السلام عليكم اخوانى الافاضل
انا عملت موضوع فى قسم السيات بسأل فيه عن مكان رقم الموتور والشاسية لعربية سيات 133 لكن ماحدش افادنى ولا حتى مشاركة واحده على الرفم ان الموضوع فى قسم السيات "ولا سيات اتبرت من 133"..؟؟؟؟ هههههههههه
ياريت لو حد عارف فين رقم الموتور والشاسية يقولى ضرورى ربنا يكرمكم..:joy23:

رد: رقم الموتور والشاسية

السلام عليكم
بفضل الله وصلت لرقم الشاسية ومكانه فى الجنب الشمال من الداخل "بالتحديد جنب الشفى اللى بيتقفل عليها غطاء الكبوت الخلفى بتاع الموتور- الرقم محفور من فوق لتحت والحمد لله طلع مطابق للرخصة وجارى البحث عن رقم الموتور وبعد الدعبسة وصلت لرقم مكون من 8 ارقام موجود تحت اول بوجية من بره شمال الدينامو لكن مش مطابق لرقم الرخصة وطبعا مش عايز اصدق "ومش متأكد ان ده رقم الموتور" وبالمناسبة الجنب الشمال من الموتور مكتوب عليه 100CL FIAT
دى المعلومات اللى وصلتلها ولسه عند طلبى ... فين رقم الموتور؟؟؟؟:sycho26:

رد: رقم الموتور والشاسية

يا عم الحاج متتعبش نفسك وتشغل تفكيرك زيادة عن اللزوم

الحل بسيط

روح لاقرب مرور ليك وخش على الراجل بتاع البصمة وسلم عليه واديك فيه العشرة جنية

وحط بقك فى ودنه وقولو تعالى ارفعلى بصمات العربية دى عشان اتاكد من الارقام اللى فى الرخصة

هيبص فى ايده هيلاقى العشرة جنية

هيسيب الدنيا كلها وهيجى معالك يعرفك المكان ويرفعلك البصمات على ورقة من معاه

ويقوللك اى خدمة يا بيه

رد: رقم الموتور والشاسية

اقتباس:

المشاركة الأصلية كتبت بواسطة maaheer (المشاركة 873929)

الظاهر ان مافيش غير كده ..... كلام مظبوط ومعقول 100%
المشكلة ان الموتور بيدخن والفتيس تعبان والفرامل سايبة ومحتاجه لوكشة شغل وبخاف امشى بيها وهى كده.... لكن لا يصح الا الصحيح
ان شاء الله اخد بنصيحتك... والف شكر لاهتمامك:balloons71: