مصر موتورز مجتمع السيارات - نصيحة للى هيشترى جنوط

مصر موتورز مجتمع السيارات (https://www.masrmotors.com/vb/index.php)

- إطارات السيارة (https://www.masrmotors.com/vb/forumdisplay.php?f=151)

- - نصيحة للى هيشترى جنوط (https://www.masrmotors.com/vb/showthread.php?t=98738)

نصيحة للى هيشترى جنوط

السلام عليكم انا لسه شارى جنوط وحبيت اقول للزملا شوية حاجات .طبعا فى الاول سألت على بلد الصنع لانى اخر مرة اشتريت كان من 6 سنين ماكنش فى صينى خالص دلوقتى صينى مكتسح ولما لاقيت تايلاندى كنت شاكك دا غير انك ممكن تلاقى تايلاندى بس اشكال قليلة لكن الصينى موجوط كتير المهم المقاس اللى انا جبته 13 جبته ب 950 طبعا بعد ماسألت عند كذا واحد وجبت اربع فرد جداد (ياريت تلتزم بمقاس الكاوتش عشان هتخش ف حوارات لان العريض هيحك ياما هيرفع العربية )المهم وفرت على نفسى كل ده . خلوا بالكوبقى معايا وركزوا طبعا دفعت ومشيت مبسوط . تانى يوم يادوب اتحركت بالعربية بعد 200 متر سمعت صوت غريب فى الناحية الشمال صوت زى خبط نزلت اشوف مش لاقى حاجة هنا بقى ربنا بيلهمك حاجات كده بصيت للعجلة رحت جبت مفتاح العجل وباربط لاقيت المفاجأة العجلة سايبة خالص ربطتها وقلت جايز الواد نسى يربطها امبارح مشيت وانا خايف تا تا تاتا
رحت للميكانيكى صاحبى قلت اسأله ( خلو بالكو مفيش صنايعى ميكانيكا او عفشة هيقولك خير ابدا على الجنوط ) المهم قالى انا مش قلت لك بلاش روح بقى لبتاع الجنوط رجعهم . المهم مشيت طبعا الدنيا زحمة وحر وفجأة سمعت نفس الصوت تانى نزلت لقيت نفس العجلة فكت تانى بصراحة الدنيا اسودت فى وشى وربطها وبقيت ادعى اوصل بس لبتاع الجنوط المهم وصلت .
طبعا دخلت فيه شمال وعاوز ارجعهم وبتاع المهم هدانى ونده على الصبيان اللى معاه وبصوا على العجل اتارى ايه بقى ياسيدى قالى دى عايزة رنجججججات
طب ياعم بييجوا منين وفين بتاع الرنجات قالى لا دول بيتعملوا فى المخرطة . وبعدين بقى انا كان مالى ومال الشورة دى . المهم خته على جنب قلت له اتصرف واللى انت عاوزه ( طبعا خايف لانك بتبقى هاريه فصال وعشان كده بيستعبط ) المهم راح وجه جاب كرتونة مليانة حاجات كدة زى ورد بلاستك كبيرة وفك الاربع جنوط وقعد يجرب لحد ملاقى المقاس تمام وراح مركب الجنوط ومربط واخد 80 جنيه بحالهم
طبعا فضلت طول مانا ماشى انزل واجرب اربط الاقى كله تمام فخلوا بالكوا :014FDA~117:

رد: نصيحة للى هيشترى جنوط

الف مبروك يا معلم و تولع بيهم الاسفلت جري

رد: نصيحة للى هيشترى جنوط

مبروووووووووووووووووووووو ووووووووووووووووك

وعقبال الفيرارى

رد: نصيحة للى هيشترى جنوط

اقتباس:

المشاركة الأصلية كتبت بواسطة tata33 (المشاركة 767634)

اولا مبروك علي الجنوط بس كان المفروض تجيب الاندونيسي افضل من الصيني ومنتشر وقريب من سعر الصيني جدا
ثانيا لازم تعمل حاجتين اول متجيب الجنوط دي بتاع الجنوط بيركبهملك بمسامير قصيره لازم تروح لأقرب واحد بتاع قطع غيار وتجيب بدالهم مسامير 17 اطول شويه وده ضروري جدا لان المسامير اللي عندك غلط عليك جدا فنصيحه غير ال 16 مسمار اللي عندك بمسامير اطول شويه وسعر المسمار 5 جنيه
ثالثا الرينجات اللي عندك لو نزلت الصبح بصيت عليهم هتلاقيهم مكسرين لأنهم بلاستيك ودول خطر جدا هتروح للخراط يعملك اربع رينجات من ماده اسمها ( آرتلون ) ماده من الفيبر المرن لونها ابيض تاخد وتدي معاك في المطبات ومتخليهوش يقنعك بالالمونيوم علشان بيطرقعو مع المطبات
اعمل اللي بقولك عليه اسمع كلامي وبعد كده عيش بالجنوط الجديده انا مركبهم والحمد لله بشد بيهم لحد 180 بعربيتي فيات 132 زمفيش غربله ولا حاجه

رد: نصيحة للى هيشترى جنوط

اقتباس:

المشاركة الأصلية كتبت بواسطة aimooo (المشاركة 767870)

مشكوووور اخ ايمو وفعلا كلام منطقى هكشف عليهم ولو كده هعمل زى ماقلت وبالنسبة للمسامير انا جبت فعلا مسامير 17 بس احلى حاجة ان الجنوط عجبانى وانى صممت وعملت اللى فى دماغى