أسعار قطع غيار الماتركس
 

أعزائى رواد المنتدى...

أحب أستفسر عن حاجة محيرانى. هل كل الموزعين المعتمدين من غبور دول فعلا البضاعة عندهم بتبقى أصلى ومفيش فيها شك خالص يعنى أنا طلعت على النت وشفت قائمة بالموزعين المعتمدين لشركة هيونداى غبور. أريد أن أعرف هل قطع الغيار فى التوكيل هى ذاتها الموجودة لدى الموزعين بمعنى إنهم واخدين قطع الغيار من غبور وبيبعوها هما علشان يطلع لهم لقمة عيش فيها.

وهل الموزع مش بيشتغل إلا فى قطع غيار هيونداى بس؟



السؤال الثانى طبعا هو هل الأسعار موحدة يعنى قطع غيار الهيونادى كلها واحدة فى التوكيل وكذلك الموزعين فى المحافظات؟

الحقيقة أنا أسأل السؤال دة لانى عاوز أغير سير الكاتينة، وكذلك بلية الكاتينة وعاوز أجيب حاجة أصلى زى اللى بيتركب فى التوكيل. طبعا طنطا أقرب لى من القاهرة فلهذا أسأل، ولانى لسة جديد فى الحكاية دى فلا أريد أن اتخم من أول مرة كدة...... أرجو النصحية

رد: أسعار قطع غيار الماتركس
 

منتظر أرائكم إن أمكن

رد: أسعار قطع غيار الماتركس
 

أعتقدت انه سؤال سهل.. اين انت يا أعزائى

رد: أسعار قطع غيار الماتركس
 

المفروض ان قطع غيار الموزع المعتمد هي نفس قطع غيار التوكيل

وفي موزعين بيشتغلوا في كذا نوع يعني صيني وكوري تقليد وكوري اصلي عليه علامة غبور

والمفروض انه بيقولك على الأنواع اللي عنده وانت تختار

يعني مثلا تيل الفرامل في نوع صيني ب 100 جنيه ونوع كوري 160 وفي بتاع غبور ب 225 وعند غبور بيضيف عليه ضريبة مبيعات بيكون سعره 247.5

المهم ان يكون المحل اللي ها تشتري منه محترم ومعروف ولازم يقولك على الأنواع اللي عنده

واهم حاجة سير الكتينه لانه مش بيتغير إلا كل 60 الف يعني لازم يكون حاجة محترمه

الله الموفق:Bravo:

رد: أسعار قطع غيار الماتركس
 

متشكر يا بدر. يعنى الحكاية ثقة فى المحل...

طيب ممكن حد يرشح لى محلات موزعين لهيونداى غبور علشان أشترى منها سير كاتينة وبلية كاتينة أصلى