A113 ????!!!!
 

السلام عليكم و رحمة الله و بركاته
اولا ب احب اشكر الاعضاء الكرام على النصايح و المعلومات القيمة عن كل العربيات ... و احب اخد ارآئكوا و اطرح عليكوا مشكلتي
اولا ... كان والدي عرض عليا اني لو دخلت كلية هندسة هيجيبلي عربية ف حدود 120000 جنيه و كنت عرضت الموضوع ده في المنتدى هنا عن انسب عربية ممكن اجيبها شبابي و مريحة و تعتبر اول عربية ... و كانت الاراء كويسة جدا و افادتني كتير ... و الحمدلله بعد ما دخلت هندسة قرر والدي يجيب العربية بس حصلت ظروف مادية ادت ان العربية الوحيدة المتاحة هى اسبيرانزا A113 بسبب عروض ابو الفتوح مع شركة والدي ..... و بما انها هي الوحيدة اللي جاية كنت عايز اعرف يا ترى كويسة و تنفعني ولا ه تكرهني ف عيشتي زي مانا شايف ناس كتير كارهاها ... يا ريت تفيدوني بالمميزات و العيوب و كيفية التعامل معها لتقليل المشاكل .... ما تبخلوش ب حاجة عشان بجد خايف اجيبها و اندم
شكرا ليكوا و اسف على الاطالة

رد: A113 ????!!!!
 

انا بردو عاوز اسأل عليها بس مستعملة
ميزانيتى متسمحش غير بعربية من 35 ل 40

وبصراحة الموديلات القديمة كلها مشاكل

وانا شخصياً بطبق مقولة , 128 زيرو احسن من تويوتا مستعملة

فعشان الموديل والشكل الشبابى عاوزها بردو لكن فى حدود المستعمل
مستنيين حد يفيدنا

رد: A113 ????!!!!
 

ال A113 عربية جميلة و مفيش فيها عيوب فى الموتور و اعطال الكهرباء
لكن العفشة سيئة و بتحس بالمطبات جامد
لكن هى عربية كويسة و منتشرة و مفيش فيها عيوب.....

رد: A113 ????!!!!
 

أخوانى الأعزاء . بعد التحيه والسلام
انا حاتكلم عن تجربتى الشخصيه الخاصه مع الـ 113 . انا كنت جايب زيرو مو 2007 ثانى دفعة تسليم . وكانت كلها مستورده بالكامل يعنى تجميع بلادها .
العربيه ممتااااااااااازه بكل معانى الكلمه وانها كانت بتجيب معايا 140 مرتاحه على الصحراوى ومشغل التكيف . مريحه من الداخل واوسع من سيارات كتير من نفس الفئه فى السوق .
العفشه ناشفه وبتحس بالمطبات وده سببه انها مساعدين كبس هواء مش زيت لأنها عفشه رياضيه . وزى ما عيبها انها ناشفه برضو ميزتها انها بتعطى اعلى درجات الثبات على الطرق مع السرعات العاليه وفى الملفات . مع العلم ان العربيه عاليه عن الأرض وعمرها ما بتلحس الأسفلت فى المطبات حتى وهى محمله .
اوبشناتها معقوله جدا ومستغله أفضل استغلال من الداخل .
معدل التسارع للسياره غير عالى ولكن سحبها ممتاز جدا . يعنى بتسحب كويس بس طلعاتها مش قويه .
الفرامل ممكن تكون خفيفه شويه . ودا ممكن نتغلب عليه برجلشة الفرامل الخلفيه أكثر قليلا ..
الشنطه الخلفيه أوسع كثيرا من شنط السيارات المماثله .
توافر قطع غيارها فى السوق واسعارها معقوله جدا .
والعديد من مراكز الخدمه تعمل على صيانة السياره حاليا بصرف النظر عن التوكيل .
وربنا يوفقكم لما فيه الخير .

رد: A113 ????!!!!
 

من أفضل السيارات فى فئتها ،،، بالتوفيق و إن شاء الله تجيب قريب عربيه ب 2 مليون جنيه