ع الطريق الصحراوى
 

أمس و انا على طريق مصر بلبيس الصحراوى
ماشى رايق على مهلى 100 لـــ 110 كم و مشغل الست
و طبعا زى ما انتم عرفين سائقى الميكروباص رما عليا و بفضل الله و نعمته كنت هحضن الحاجز الخرسانى لولا ساتر ربنا معايا و بعد ألتقاط أنفاسى و نطقى بالشهاده .
قلت أشوف أبن الـــ تيييييييت و جريت وراه و المشهد كالاتى ان الميكروباص بيشد مع سياره فيرنا و انا بقى اللى كنت هروح فى الرجلين دست بنزين و عينك ما تشوف بقى
انا كنت قبل كده مشيت بالعربيه على 180 و امس وصلت 185 و المؤشر كان هيوصل لــ 190
و انسى بقى لا تقولى فرنا ولا تويوتا ولا الكلام الفاضى ده
اللوجان الله اكبر عليها تحس انها مكلبشه فى الاسفلت و طبعا صاحب السياره الفيرنا ازاى لوجان تعدى منه كده و بدون مبالغه كان هيعيط علشان يعدى انا كنت كل شويه اهدى علشان يكون جنبى و بعدين اشد العربيه تطير .
بس بعد مهديت كده و عديت الكارته قولت ايه الجنان اللى انا عملته ده
ربنا سترها عليا الحمد لله و روحت بيتى سالم غانم و عمرى ما اكررها تانى

انا سوقت الفيرنا قبل كده بس مش جريت بيها و على حد علمى انها سياره بتاكل الاسفلت من شده موتورها بس بعد اللى حصل اللوجان تتفوق عليها

نصيحه من اخوكم فى الله بلاش السرعه الجنونيه الله اعلم ايه ممكن يحصل و الحمد لله ان رجعتى لبيتى و لزوجتى
اللهم احفظنا جميعا و اسف على الاطاله

رد: ع الطريق الصحراوى
 

ربنا يسترها علينا وعليك

رد: ع الطريق الصحراوى
 

rabena yostorha 3alena kolena, bas el logan garyaaaaaaaaaa ana bardo men kam yom fe d2ery sheraton 7abet 3eya wa7ed ma3ah Mercedes c180 we el tany BMW 3xx
kasaro 3alya 3ala el sob7 we el wa7ed lesa mesh fay2 bas , ana magrtsh warahom bas ana fag2a kont 160 we el mer. magbneshhh we el bmw kont fe dahrooooo le 7ad el banzenaaa
take care kol el fransawy beyterrrrrrrr we rabena yostor alena game3annnnnnn

رد: ع الطريق الصحراوى
 

رد: ع الطريق الصحراوى
 

حمدالله على سلامتك وعودتك سليم لبيتك واولادك
وربنا يسترها معانا جميعا
اللهم امين