سوال بالنسبة للتامين اذا حصل حوادث
 

السلام عليكم افرض مثلا امنت على عربية تامين بلا تحمل او غيره ولقد الله حصل حادثة
واللى خبطنى مثلا خبطنى وجرى بالعربية اعمل ايه فى الموقف ده؟ايه ياترى
ممكن عمل محضر عادى اقول واحد خبطنى وجرا ولا لازم اللى خبطنى يكون موجودد لو جرى يبقى كده شركة التامين مالهاش دعوه؟ وانا اشيل الليلة واصلحها على حسابى
ياريت التوضيح ولو لقدر الله العربية عملت حدثة واتحركت من مكانها كده يلغى التامين ؟ايه ياترى

رد: سوال بالنسبة للتامين اذا حصل حوادث
 

قصه المحضر بتختلف من شركه لاخر في شركات بتقولك لازم محضر لو الحادثه عديت 3000 جنيها و شركات اخري تقولك بعد 5000 جنيها ولو حد لاقدر الله خبطك وهرب اذكر ذلك في المحضر و بتتقيد ضد مجهول و ممكن يحصل حادث للسياره و هي مركونه حاتكتب في المحضر انها مركونه ونزلت لاقيتها مخبوطه
و ان شاء الله ربنا مايجيبش حاجه وحشه

رد: سوال بالنسبة للتامين اذا حصل حوادث
 

بصراحة انا شايف ان موضوع التامين نصب فى نصب
كل الشركات هيدوخك لغاية ما تزهق وتصلح العربية بمعرفتك
وتقبل مرورى

رد: سوال بالنسبة للتامين اذا حصل حوادث
 

استاذي العزيز علي اي اساس بنيت رايك هذا لو ليك تجربه في الموضوع ده ياريت تحكيلهالنا

رد: سوال بالنسبة للتامين اذا حصل حوادث
 

السلام عليكم

فى حاله لو حد خبطك و جرى لا قدر الله هاتفرق تعمل محضر امتى و ده بيختلف من شركه الى اخرى يعنى لما حضرتك تشترك فى شركه لازم تعرف ايه حد الاصلاح الى يطلب منك محضر فيه

فى شركات تطلب بعد 10.000 جنيه و فى شركات 5000 جنيه فالمحضر حسب مقايسه الاصلاح او التقدير الشخصى للحادث فى وقته

الشركه هاتصلحلك السياره ماتقلقش

موضوع المعاينه فى مكان الحادث ؟؟؟؟؟؟

نقطه مهمه جدااا و بتضيع تعويض لازم يتم المعاينه و خصوصا فى الحواث الكبيره و يكتب صراحه فى المحضر تم المعاينه فى مكان الحادث و ليس سرايا القسم ( و يتم الاهتمام بيها خاصه فى الحوادث الكبيره ر)

نقطه مهمه فى استاذ فاضل بيقول شركات التامين و التامين نصب فى نصب حد نصب على حضرتك فى حاله معينه مدعمه باوراق ولا ده راى شخصى
اعتقد لو راى شخصى تخليه لنفسك و الا يبقى من حقى اتهمك باى تهمه بدون دليل يعنى قصدى الواقع شى و قناعه سعادتك شىء اخر ياريت تخليها لنفسك