مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)
-   منتدى السيارات العام (https://www.masrmotors.com/vb/forumdisplay.php?f=2)
-   -   قولنا سوقت ايه (https://www.masrmotors.com/vb/showthread.php?t=14141)

POP EL GAMED 13-10-2009 10:44 PM

رد: قولنا سوقت ايه
 
فيات 132(وحش بجد)موديل 79
فيات 128(عربيه طفله)موديل 77
فيات 127(كنت فاكر ان ال128 لازم تكون احسن منها بس غيرت الفكره دى)موديل 83
فيات 131 (عربيه لطيفه وفى اعتقادى انها الاخ الاصغر لل132)
فيات بلونيز(عربيه عائليه اوى)موديل 83
فيات اونو (عربيه بناتى تماما وخنقتنى وانا سايقها وسحبها مش اد كده)موديل 2001

لانوس1 (عربيه ناعمه اوى ومش بتاعت جرى وشد)موديل 2000
نوبيرا 1 اوتوماتيك(تحفه بجد وكانت دى اول مره اسوق اوتوماتيك)موديل 98
نوبيرا 2 مانيوال(وهى مانيوال كان سحبها زى ال 1 الاوتوماتيك)موديل 2003
هيونداى اكسنت 1300(عربيه فرفوره جدا)موديل 99
هيونداى اكسيل (عربيه خفيفه جدا وتكييفها اكتر من ممتاز اعتقد ان دى اول محاولاتهم صنع بادى خفيف زى الفيرنا)موديل 97
هيونداى النترا (فخمه بس مجريتش بيها خالص عشان احكم على الثبات انما الباور بتاعها خفيييييييييف)موديل 2008
كيا برايد هاتش باك(عربيه بتاعت زحمه وبتقضى الغرض)موديل 99
سايبا سيدان (عربيه لطيفه لاسره صغيره)موديل 2006

رينو 19(عربيتى)
رينو 9 (عربيه محترمه ومع انها موديل قديم الا انها مواكبه للتكنولوجيا)موديل 87
رينو ميجان 1 (عربيه محترمه جدا ثبات سحب امان)موديل 99
رينو كليو (عربيه صغيره بس ثباتها رائع عيبها انها ضيقه)2002
رينو ميجان 2 (عربيه تحفه بكل المقاييس بس كانت مانيوال)موديل 2007
رينو رينبو (نسخه من عربيتى وثباتها عالى بس رخمه من غير باور)موديل 98

سيتروين ZX (عربيه لذيذه وواسعه مع انها هاتش باك بس مديه على سيدان شويه فى الوسع)موديل 98 على ما اتذكر

بيجو 504 (محبيتهاش خالص وكنت حاسس انها خفيفه على الطريق انا سوقت ال1600 بتاعتها)مش فاكر موديل كام بس هى فى اواخر السبعينات
بيجو 405 (تعتبر توئم عربيتى فى الثبات والمناوره وفى العزل بس تتفوق فى المواتير الاكبر)موديل 91 و98
بيجو 305 (حسيتها 128 متخفيه خفيفه اوى ومش حاسسها على الطريق)بجد مش فاكر موديلها بس قديمه برضه

لانسر كريستاله (حلوه وثباتها معقول جدا بس سحبها مش عالى)موديل 97 و99
لانسر مكوه (زيها زى الكريستاله بس تتفوق ان شكلها بيعجبنى انا اكتر وده رأى الشخصى انما نفس الاداء)موديل 2002
لانسر بومه 1300 مانيوال (معجبتنيش خالص وحاسسها دبدوب والطريق مسمحش انى ازود عن 110)موديل 2008
لانسر بومه 1600 اوتوماتيك (سحبها كويس بس كنت شايف انه المفروض يعلى عن كده وثباتها مش جامد بعد ال130 بس تكييفها حلو)موديل 2008

نيسان صنى خليجى(سحبها حلو اوى وتكييفها جامد بس برضه مجريتش بيها اعلى من 90 عشان كده مش هقدر احكم على الثبات)موديل 2006
نيسان صنى مصرى (سحبها مع التكييف مش اد كده يعنى وثباتها حلو لغايه 140 وتقفيلها مش زى الخليجى خالص)2008

كورولا عيون (عربيه لطيفه وناعمه اوى وسحبها كويس مش زى ما ناس كتير بتقول ان الموديل ده وحش)موديل 98
كورولا الدبدوب ده (عربيه غريبه خفيفه ناعمه جدا تكييفها حلو بس متعرفش حاجه عن الثبات 110 وكانت على وشك تركب مروحه وتطير)موديل 2003 اسمه ايه اللموديل ده يا جدعان

سكودا فيليشيا (عربيه مدينه اوى يعنى)موديل 99
سكودا فيليشيا كومبى (لغايه دلوقتى مش عارف ايه الفرق غير الهوايه بس الفيليشيا العاديه كانت اثبت على الطريق)2000
سكودا اوكتافيا A4 (طبعا عربيه زى دى مش مستنيه رأى عربيه تحفه بكل المقاييس)موديل 2000

سيات ابيزا (عربيه حلوه بس كانت عايزه موتور اعلى من ال1300)موديل 94
سيات قرطبه (موتورها كان اكبر من الابيزا بس محسيتش بفرق عشان الحجم يمكن؟؟؟؟؟)برضه موديل 94

شيفروليه كابريس (عربيه غووووووووول 5700 حطينا فيها 40 لتر بنزين العداد متحركش كأنه مش مقتنع بال40 دول)موديل 79
شيفروليه افيو (حقيقى اخرها اى افيو اللى بتطلع فى الاعلان عربيه لعبه)موديل 2008

بروتون ويرا (عربيه جميله وثابته وادائها حلو مع الموتور ال1500)موديل 2001
بروتون جين 2 (رياضيه جدا بس ضيقه مووووووت من ورا)موديل 2008

لادا 2105(تقيله وسحبها كان كويس جدا على موتور 1200)موديل 94
لادا 2107 (حسيت انه مع ان موتورها اكبر الا انه نفس السحب حاجه غريبه وطبعا مفيش ثبات)موديل 2005

بى ام 525 (عربيه وحش ومبتتفاهمش لقيت نفسى ماشى بيها 170 ومش حاسس بأنى مزود عن ال100 كل علاقتى بالسرعه عداد السرعه اللى بيعلى)موديل 94

كفايه كده لو افتكرت حاجه تانى هبقى اعترف لوحدى :HAPPY_~211:

محمد حمزه2000 13-10-2009 11:45 PM

رد: قولنا سوقت ايه
 
اولا تحياتي للجميع

اول سيارة قدتها وتعلمت القيادة عليها كانت مازدا 82 بصراحة حلوة هادية وقليلة الاعطال برغم قدم طرازها

السيارة الثانية كانت نيسان 200Lموديل 1984 اشهد بان عزمها قوي جدا جبارة

السيارة الثالثة مرسيدس 200موديل 84 لا تسل عن القوة والثبات رائعة
قدت ايكو 200 ولكن مسافة بسيطة للتجربة بصراحة مرتحتش ليها بالغرم من هدوء صوت الموتور ونعومتها الرائعة

آخر سيارة وهي التي اقتنيها حاليا تويوتا كريسيدا 91 ويقال ان موتورها هو نفسه موتور الكاميري

رائعة بكل ما تحملة الكلمة من معني قوي وثبات وامان بالرغم من عدم وجود ايرباج
عن النعومة في القيادة والثبات على الطريق ولا اروع وفي رايي افضل من الكرولا الحديثة

تحياتي للجميع

hazem_khidr 13-10-2009 11:58 PM

رد: قولنا سوقت ايه
 
حنقول الامريكي علشان يبقي فاضل الاسيوي
1.فورد
موستنج مو 75
تورس مو 98
تاونس مو 82 اعتقد
كروان فيكتوريا

2.شيفروليه
كابريس مو 84 و 92 و 2005
لومينا مو 2004
ماليبو مو 79
نوفا مو79

3.بويك
سكاي لارك مو 84
بارك افينو مو 89
و عربيه بويك كوبيه كده مش فاكر اسمها بس كانت وهم :( !!!!

5.جيب
شيروكي مو 94

6.كرايزلر
300 ام مو 99 (ريحه الجلد الطبيعي فظيعه )

و الي اللقاء في الاسيويptmnlo123per1106

oscar 14-10-2009 01:31 AM

رد: قولنا سوقت ايه
 
من العربيات اللى سوقتها
1-128 بس كنت صغير ملحقتش أكون فكره عنها
2-دايهاتسو
3-مازدا 929 ( نادم أشد الندم على بيعها
4-شاهين عربيه محترمه بس الشكل مش ظريف
5-شيفروليه نصف نقل (قوه بلاحدود
6-أفيو شكل كويس بس مش ناعمه
7-فيرنا
8-تويوتا كورولا
9-أوكتافيا a4 عربيه فخمه جدا
10- لادا عربيه زبالة جداا ( مع الاعتذار لمالكيها

Brave Heart 14-10-2009 01:56 AM

رد: قولنا سوقت ايه
 
ياريتنى كنت عندكم كنت اتشرفت بمعرفتكم بس انا لسه مستنى اخلص من الجيش واشوف موقفى ايه ادعولى اجيلكم بسرعه
لان بجد الكويت وحشتنى جدا جدا جدا
ونفسى بجد اتعرف بيكم


الساعة الآن 09:39 AM.

Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017