|
فضيحه المتركس التركى 2010
الحمد لله ربنا اكرمنى بعربيه ماتريكس2010 العربيه تقفلها ردىء جدا
الصالون قطع البلاستك الموجوده وحشه جدا الكلاكس بيعلق فى صوت صفاره لما بتعلى مروحه التكييف على4 الانزار علق والار بى ام اوقف والساعه اتلخبطت وكل ده بسبب الفيوز مش متركب للاخر واكتشفت الموضوع ده بعد ما اعصابى باظت الصاج لو مسكته بادك يطبق الحمد لله على كل حاجه على فكره العربيه عمله 800 كم |
رد: فضيحه المتركس التركى 2010
متضايقش نفسك يا باشا والحمد لله على كل شىء وبإذن الله كل الحاجات ديه تكون بسيطة خالص وتتحل فى الصيانة الاولى وتستمتع بالعربية من غير مشاكل وناس كتير بتصادف مشاكل زى كده فى عربيتها فى ال 5000 كم الاولى وكلها سهلة الاصلاح وبتنتهى تماماً وتنساها بعد كده انا اول ما جبت العربية كان فيه فيوز محروق راكب وكان فاصل الكاسيت والولاعة والاريال وكانت حاجة سخيفة جداً انى امشى بالعربية من غير كاسيت ولا حتى راديو ولا ولاعة وهى لسه زيرو بس دلوقتى خلاص كلة اتنسى ده غير ترصيص العربية والجنوط والكاوتش اللى كانو جايين معاها واللى لفيت حوالين نفسى ميت مرة بسبب مشاكلهم وفى الاخر غيرت طقم الجنوط والكاوتش كله وريحت دماغى فالقصد ان ساعات بتبقى فيه حاجات هايفة بتدايق جامد فى بداية علاقتك بالعربية لكن سرعان ما بتتحل وتتنسى اهم حاجة بس تكتب كل ملاحظاتك عن العربية والمشاكل اللى انت لقيتها فيها وتديها لهم فى التوكيل فى اول صيانة ومتمشيش الا وانت مستلم كل حاجة شغالة ان شاء الله العربية تبات وطبعا يستحسن تروح بدري يوميها وتختار يوم مفيش فيه زحمة جامدة الف مبروك على العربية وربنا يهديهالك كده ويقيك شرها ويهبك خيرها وتفرح بيها بإذن الله بدون مشاكل وكل سنة وحضرتك طيب |
رد: فضيحه المتركس التركى 2010
اشكرك يا ابونورا على ردك وكل سنه وانت طيب
|
رد: فضيحه المتركس التركى 2010
معلش يا استاذ mmsoaa
هي اغلبها مشاكل بسيطه و تتحل مع اول صيانه ان شاء الله .. موضوع الفيوز والانذار مكن يكون سببه ان غبور بيركب الكاسيت و الانذار هنا .. و بالتالي ممكن يكون ده سبب اللخبطه في الكلاكس و الساعه و الار بي ام ... التابلوه عموما تحسه كله بلاستك .. و دي سمه في اغلب العربيات الكوري .. حتى النيو سيراتو تحفه من بره .. لكن تابلوها تحس خاماته ضعيفه .. لكنها مش ضعيفه ... لكن الشكل البلاستيكي ده مش محبب ... تابلوه الكورولا الجديده الفاتح ركبتها حسيت انه بلاستك برضو والاسيوي عموما صاجه ضعيف ... لكن اي عربيه في رينج سعر الماتريكس حتلاقي صاجها زيها تقريبا .. حضرتك جمع كل ملاحظاتك ومع اول صيانه ان شاء الله كله يتظبط وكل سنه وحضرتك بخير |
رد: فضيحه المتركس التركى 2010
أولا الف مبروك على العربية ورنا يديلك خيرها ويكفيك شرها..
واضح ان حضرتك مش حابب العربية وبالتالى لم ترى سوى عيوبها والناتجة غالبا عن الايدى المصرية الاثمة فى تقفيل الانذار و الكاسيت وبعدين بالنسبة للتابلوة فدة الطبيعى دلوقت ومفروض ان حضرتك اتفرجت على العربية وفحصتها جيدا قبل الشراء لانها مش بمبلغ قليل اقصد ان التابلوة مش مفاجأة حضرتك بس يمكن اتشائمت من الاعطال اللى فيها بس بأذن الله كلها بسيطة ومحلولة واستمتع بسيارتك ولا تؤرق نفسك بهذة الاعطال البسيطة بأذن الله محلولة ومبروك كمان مرة :260309~146: |
| الساعة الآن 04:57 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017