مصر موتورز مجتمع السيارات - سؤال معقد شويه ارجو الافاده

اقتباس:

المشاركة الأصلية كتبت بواسطة moataz ali saad (المشاركة 935168)

السلام عليكم ورحمة الله

الموضوع ان خالى اشترى سياره من 6 شهور بتوكيل وعقد بيع بس لسه مسجلوش واشتراها بتصريح مش برخصه يعنى صاحبها اللى باعها كان لسه مشتريها من سنه وكانت مرور مدينة نصر وهوا نقل مرور السلام فأدوله تصريح لحد ما الملف يوصل
السؤال هنا خالى عايز ينقل مرور فيصل بس هل ينفع انا اروح اجيب شهادادت البيانات و شهادة المخلفات من مرور السلام الاول ؟ ولا لازم اللى بأسمه التوكيل ؟ وموضوع التصريح ده هايعمل مشاكل ؟
اسف جدا جدا على الاطاله

طيب ازاى المالك بتعها بعها لخالك
طالما فيها تصريح او الرخصة منتهية يبقى باع بشهادة بيانات صح
او انة عملك توكيل عام لجميع السيارات موديل سنة صنع السيارة وبماركة السيارة
اعتقد انة الحالة الاولى انة جاب شهادة بيانات وعمل لخالك توكيل
حضرتك بتسال هل ينفع انت اللى تروح
الاجابة لا
لانك مش ذو صفة ولازم اللى باسمة التوكيل هو اللى بيستلم البيانات والمخالفات
كمان فى حاجة هنا
لو الملف بتعها لسة موصلش مرور السلام وانا اتوقع دة وبقوة
صحيح هاعملك شهادة بيانات لكن هايجى فى خانة الموديل وهايكتب بالاحمر الموديل من اصل الملف
واعتقد كمان ان شهادة المخالفات بتعتها هاتطلع من مدينة نصر بس دى مش متاكد منها اوى
يبقى ريح نفسك وروح مرور مدينة نصر فى رابعة العدوية وهات من هناك بيانات ومخالفات بس لازم اللى باسمة التوكيل هو اللى يروح
ولما خالك يروح يطلب اتنين شهادة بيانات واحدة موجهه للشهر العقارى والتانية موجهه لمرور فيصل
دة لو الموظف ما رخمش وقالك اديك شهادة بيانات للشهر العقارى تعمل عقد بيع مسجل وتجيلى اعملك شهادة بيانات لمرور فيصل
خلاصة الموضوع لازم تعمل شهادتين واحدة تعمل بيها عقد بيع مسجل والتانية تتعامل بيها فى المرور لنقل الملكية
اى سؤال انا تحت امرك