رد: كل اللي اشتري عربيه مستعمله تعالي محتاجين مساعدتك
 

لماتشترى عربيه اشتريها من صاحبها مباشره وليس عن طريق تاجر وتعرف كده من رخصة العربيه لازم تكون باسم صاحبها مش بتوكيل يعنى تشوف رخصه وبطاقه صاحب العربيه لازم يكونوا زى بعض بنفس الاسم وتكشف على العربيه كويس اكتر من مره ولو سياره حديثه موديل بيكون ليها كارت صيانه فى مركز الخدمه وتكشف عليها هناك ويطلع لك تقرير.....ومافيش مانع مع شهادة المخالفات تكشف على دوسيه العربيه فى المرور ...لوكل ده تمام اتوكل على الله لان كل ده اهم من المفاصله فى السعر ..ممكن تاخد عربيه بسعر كويس بس فيها عيب جوهرى يزعلك وطبعا لو البيع تم عن طريق تاجر اوسمسار..يبقى خلاص العربيه لبستك وماتعرفش نخلص منها غير بخساره كبيره وده عن تجربه حقيقيه .

رد: كل اللي اشتري عربيه مستعمله تعالي محتاجين مساعدتك
 

نصائح هامة جدا من مجرب
1- ابعد عن حاجة اسمها معرفة وقرايب
2- ابعد عن حاجة اسمها سوق
3- ابعد عن حاجة اسمها مكاتب ( دور فى الاعلانات الى فى النت مثلا او الوسيط او العربيات الى عليها كلمة للبيع )
4- ايااااااااااااااااااااااا اك والتسررع والعربية الى تتخطف فى مليون غيرها
5- ابعد عن فكرة شراء عربية فى يوم واحد ( اتفرج عليها على الاقل يومين )
6- لاتستخسر التضحية بمبلغ تافهه فى سبيل انقاذ تحويشة عمرك -- ثمن الكشف يعنى
7- ابعد عن اى سيارة بها اكتر من توكيل
8- اسئل عن العربية الاول فى المرور ( خد نمرتها وروح المرور وادخل على المكان الى بيه ملفات العربيات واعمل قرد باى وسيلة لحد ما تعرف تفاصيل العربية
9- جرب العربية بنفسك لو حسيت بالامان والراحة النفسية كمل باقى خطواتك ( لو لم تشعر شوف غيرها)
10 - دائما اعمل حسابك لا يوجد عربية غير محتاجه مصاريف دايما شيل مبلغ صغير على جنب

رد: كل اللي اشتري عربيه مستعمله تعالي محتاجين مساعدتك
 

كلام المناور صح لاتستعجل فى الشراء وخليك صبور ولازم تعمل 3حاجات
1- تأخذ حد بيفهم فى كشف السيارات وتاخذها على بنزينة وترفعها وتتاكد انها سليمه
2- ميغركش شكل السيارة الخارجى كله بيتصلح المهم الموتور والعفشة
3- متشتريش عن طريق تاجر او سمسار ولو كان اخوك - حاول تشترى من حد تعرفه وتعرف حاله عربيته
والله الموفق

رد: كل اللي اشتري عربيه مستعمله تعالي محتاجين مساعدتك
 

والله ياجماعه الفكره ممتازه جدا 00 والاخ انور يشكر على طرح الفكره