اخر تطورات الفوج لايت لنيو اكسنت من غبور افندي
 

مساء الفل على كل رجلتنا
انهادة الصبح صحيت فطرت نزلت ع الساعة 10 روحت الصيانة بتاعت ابو رواش علشان حوار الفوج لايت رايح متحفز ومستعد وناوي على حكاية لا حكايات
وانا على البوابة ولسه هخش هركن لقيت المهندس الي اضرب في صيانة الالف بيقول يا ساتر يارب
بصتلو من فوق لتحت وضحكت ركنت هب لقيت مدير الصيانة بزات نفسو المهندس احمد شخصية في منتهى الاحترام والادب بصراحة
اتفضل يا فندم
خير
مافيش نشرب قهوة وندردش شوية
يا سلام اوكي
ركنت قفلت نزلت
دخلت المكتب
اولا احنا اسفين على الي حصل في صيانة الي فاتت وانا الموضوع ده في دماغي ومستنيك من يوميها مع اني عارف ان المهندسين المشرفين لمو الموضوع بس حبيت اتكلم معاك
المهم
كلني بقى ببقين حلوين
وخلني صلحت المهندس
دخلنا بقى في قصص الفوج لايت
بصو هو اقنعني
قالي ياباشا بص العربية مش نازلة بفوج لايت قلتلو طاي مهو الالنتر في منها مش بفوج وبيجي يركب فوج قالي سليم في زايها نازل بفوج فرق ابشنز انما موديل عربيتك اساسا مش نازل بفوج اي ابشن منو علشان كده ده شيء ميعتبرش فني يعتبر اكسسوار قلتلو ما انتو سرقين العربية في المريات والفوج لايت والطارة الهند ميد والفتيس الهند ميد وما فيش لمبة درجة الطبلوة وقعت بقى اطلعلو كل الحجات وفتحت السقف
قالي بص انا هرد عليك بكلمة واحد اشتريت العربية ليه
حسيت ان اي رد هردو هيبقى جدل بيزنطي بس لاء انا مش هستسلم بسهولة انا جاي مستعد
انا مكنتش اعرف لما شوف الكتالوج بتاع عرض الموديل صعقت
ياباشا العربية لو كانت نزلت زي الكتالوج كان السعر فرق قلتلو مش يمكن لو كانت موجودة كنت زود الفلوس علشان اشتريها
قالي طايب مهو زيادة بزيادة وتشتري الالنترا
قلتلو والحل
قالي انا اقولك الحل
دي لاوئح ان اشغال بيها لاني مش صاحب غبور
بص يا سيدي
انا هجبلك الفوج لايت
وهركبهولك على ضمانتي الخاصة وانا متحمل اي حاجة لو حصل بسبو
هيركب ازاي
هياخد وصلة بفيروز جديد هيتحط في علبة الفيوزات ملوش علاقة بالضفيرة
طايب انا عايز الفوج اساسا علشان الزينون
قالي لاء
الزينو بعد ققل من سنة هيحرقلك الفوج لايت قالي المهندس حسام معاه النترا سبورت وجبلها زينون كوري وبعد فترة الفوج اتلسع يمين شمال قالي طايب نركبلك الفوج صيني علشان متزعلش على الاصلي وتيجي تقولي انت السبب
قلتلو هفكر
ده الي حصل وانا باخد راي رجلتنا في مصر موترز ايه رايكو في الكلام ده وهل صحيح الزينون ممكن يبوظ الفوج مع اني مركبو في العالي وقالي مافيش مشاكل بس خالي بالك حصلت مشكلة في اكسنت قبل كده ان لمبة العالي ضربت في العداد قلتلو ربنا يستر
حبيت احكيلوك يا اكسنتوية خصوصا واخد راي الرجالة كلها بقى في الموضوع عموما
شكرا

رد: اخر تطورات الفوج لايت لنيو اكسنت من غبور افندي
 

والله يا باشا انا احبطت من الموضوع
لأنى كنت محضر نفسى اركب الفوج لايت والزينون واجنط قبل ما امشى بيها
بس اجلت شوية وقلت اكبر المقدم علشان انا جايبها قسط
بس كلامك ده يقلق ويخلى الواجد يعيد تفكيروه
مش عايز اعمل حاجة تبوظ حاحة
يا ريت كل اللى جرب يركب الفوج لايت و الزينون يقولنا خبراته ايه علشان نستفيد وغيرنا يستفيد

رد: اخر تطورات الفوج لايت لنيو اكسنت من غبور افندي
 

مساء العسل ياماترس باشا واولا انت لو جبت زينون مش هيحرق الفانوس ههههه ده هيحرقو الصاج بتاعو نفسو .. انا والله قولت هركب فوجات يعنى هركب نزلت اشتريتهم وفكيت الاكصدام وقطعت فى الفبره وثبت المهم يعنى روحت اشتريت لمبتين فيلبس ابيض كانت 27 وات حاجه عاديه تقريبا وكان نورهم خطييير خطيررر جدا واللمبات مكنتش زينون انا شاريهم عادى وحطيتهم على النور الصغير وكانت عامله احلا شغل بعد شهر ونص بالظبط جاي بنور مفيش حاجه اشتغلت روحت اشوف اللمض لقيت الفوجات سايحه وطالع عينها فا قولت الحمد لله .. لكن بجد لو عاوز حاجه حلوه بسعر معقول تركب عليها الجن الازرق انزل الحرفيين هاتلك فانوسين استيراد تقريبا هيعملو 200 180 كده انت وشتارتك مع الى هتشتري منو لان الصينى اساسا ب 110 وزباله جدا لكن الاستيراد اوعى وشك يعنى لو عوز تركب زينون بجهاز عليه مش هيقولك لاء .. تحياتى

رد: اخر تطورات الفوج لايت لنيو اكسنت من غبور افندي
 

اما بالنسبه للكماليات بتاعت غبور فاماذا تتوقع من توكيل حرامى فلوس كتير بغض النظر عن الاكسنت الى ف الكتالوووج هههه

رد: اخر تطورات الفوج لايت لنيو اكسنت من غبور افندي
 

طب لو على الفوج بسيطه
انا النهرده كنت بتفرج على ال ار بي عند سمير ريان شفت الخليجي والتوكيل كنت عاوز اعمل على بتاعت غبور دي( بي بي) بس اتكسفت من البنت بتاعت السيلز بس لو كان راجل مكنتش حمسك نفسي او :3_8_14:
الله ينتقم من التوكيلات الزباله دي وامثالها