مصر موتورز مجتمع السيارات - تقسط السياره من بنك كريدى اجريكول مصر

مصر موتورز مجتمع السيارات (https://www.masrmotors.com/vb/index.php)

- البنوك وشركات التمويل (https://www.masrmotors.com/vb/forumdisplay.php?f=113)

- - تقسط السياره من بنك كريدى اجريكول مصر (https://www.masrmotors.com/vb/showthread.php?t=10942)

رد: تعرف على قسط السياره من بنك كريدى اجريكول مصر

اقتباس:

المشاركة الأصلية كتبت بواسطة hussien456 (المشاركة 118492)

السلام عليكم ورحمه الله
عن تجربه شخصيه اليمه جدا مع هذا البنك لا انصح اي حد يتعامل معاه

فعلا ياريت حضرتك تعرفنا ايه المشكله بالظبط بالنسبه للبنك دة
وهل التعامل كان بغرض شراء سيارة ام لغرض قروض اخرى

رد: تعرف على قسط السياره من بنك كريدى اجريكول مصر

شكرا جزيلا لكم جميعا
الحقيقه انا تجربتي المريره ليست فقط مع هذا البنك انما مع توكيل عز العرب وشركه الجمعيه المصريه للتامين التلاته اسوا من بعض واسواهم جميعا البنك الزباله اللي بيتعامل بمنطق انا ومن بعدي الطوفان
انا هقول لحضراتكم القصه باختصار علشان تستفيدوا منها وعلشان تقولوا لي اعمل ايه مع البنك اللي حارق دمي ده
اشتريت عربيه بروتون جن2 ..دفعت 20 الف واخدت قرض ب 70 الف من كريدي اجريكول
العربيه كويسه بس فيها عيب خطير جدا للي زيي الغير مقيمين بالقاهره ليس لها اي صيانه او قطع غيار الا في القاهره يعني لو عايز تغير فلتر زيت لازم تسافر 500كم او تستعين بصديق يبعتهولك من القاهره ..وده طبعا مش حل ومش منطق
يبقي النصيحه الاولي للي بيشتري عربيه ان تكون قطع غيارها وصيانتها منتشره ويستحسن لو كان محل قطع الغيار تحت بيته!!1
نسيت اقول لكم اني مقيم في الغردقه
المهم العربيه مشيت بيها 600كم وقلت اسافر ...اعمل صيانه ال1000كم في التوكيل واجيب العيال وامهم اللي كانوا سبقوني باسبوع
المهم وباختصار علشان ماتناموش مني ولان القصه طويله ... العربيه عملت حادثه هايفه <من وجهه نظري طبعا<..بس اتكهنت فيها ودي قصه لوحدها ممكن اقولها لو حبيتوا بس وش دلوقت
وبدات معاناتي الطويله مع الجمعيه انتهت بعد تقريبا سنه بشيك بدون رصيد وبرضه مش هقولها دلوقتي علشان نخش في القصه الاصليه ...اسوا بنك وعلشان مبقاش بعمم اقول اسوا بنك من وجهه نظري
في الاول بيقي الموظفين مادبين ومحترمين ومنتهي الجنتله لحد ماتيجي رجل الفريسه وفي اول مشكله يبان الغباء وقله الاهتمام وابسط حاجه يقول لك دي مشكلتك انت
واسمحوا لي اكمل بعد شويه

رد: تعرف على قسط السياره من بنك كريدى اجريكول مصر

انا مش مصدق اللى بسمعة ده ياريت تكمل الموضوع ده كلة

رد: تعرف على قسط السياره من بنك كريدى اجريكول مصر

بالمناسبه البنك ده اى كلام لاننى تقدمت لشراء سياره عن طريقه ارسل المندوب المحترم لمكان عملى واستدل تمام ولما المندوب المحترم ماخدش دخانه بوظ الاستعلام يعنى (رشوه)

رد: تعرف على قسط السياره من بنك كريدى اجريكول مصر

انا عايز سياره n200شيفروليه وعايزاو الموجودمعايا10%علماباننى اعمل بشركه قطاع خاص ومعىhrبمبلغ4200 شهرى وضامن حكومه ماذا افعل ارجو المساعده ابراهيم(0169991616)