العربية بتقطع وانا ماشى , واحد يقولى فولها 90 والتانى يقولها فور الكاربراتير (لانسر كريستالة 98)
 

السلام عليكم ورحمة الله وبركاته

ياشباب

انا معايا لانسر كريستالة موديل 98

العربية بتقطع جامد وانا ماشى , المشكلة ان حوار التقطيع دا مش على طول لكن بيحصل فى المعظم

غيرت طقم البيجوهات ونضفت البنزين وكل حاجة بقت تمام
مشيت مشوار واحد بس زى الفل
تانى يوم نازل ادور العربية , مشيت بيها حسيت انى كرهت نفسى
رحت للميكانيكى قالى الكاربراتير مش مظبوط وبوظ البوجيهات
قعد ينضف فى الكاربراتير كدا وقالى بص دلوقتى الشخمان معدش بيطلع دخنة سودا اهو
نغير طقم البوجيهات بقى
غيرنا طقم البوجيهات , مشت مشوار كويس ورجعت تانى زى الزفت
طيب اعمل ايه ؟
رحت له قالى كدا الكاربراتير عاوز يتفور كله على الارض ونعمله على نضافه
رحت لميكانيكى تانى قالى يابيه البنزين 80 ردئ جداً وخصوصاً الأيام دى مخشوش بطريقة فوق الوصف يعنى لو فحصوه هيطلع بينزين 60 مش 80 !! فول 90 يابيه وجب ان مكنشى , نحل الكاربراتير
انتم ايه رأيكم ؟؟
ماهى كانت قطعت مشاوير بال 80 زى الفل وماشاء الله يعنى
واول ما جبتها بردو كانت واخدة 80 وبردو ماشاء الله يعنى ماشية زى الفل

ارجوكم فيدونى بقى عشان انا قربت اكره العربية دى والله

رد: العربية بتقطع وانا ماشى , واحد يقولى فولها 90 والتانى يقولها فور الكاربراتير (لانسر كريستالة 98)
 

يفضل فعلا

إنك تبدأ بعمل صيانه للكربوراتير ( نظافه وخلافه )

وتجرب للحكم على آداء السياره

رد: العربية بتقطع وانا ماشى , واحد يقولى فولها 90 والتانى يقولها فور الكاربراتير (لانسر كريستالة 98)
 

سيدي الفاضل في ناس متخصصة في الكربتير روح عليهم متخليش الميكانيكي يفكة
انت بتقول البوجيهات غيرتها مرتين واشتغلت كويس وبعد كدة باظط ياريت تراجع الابلاتين والكوندنسر وهل البوجيها مفحمة او عاليها زيت او تحس ان هيا مملحة
متابع

رد: العربية بتقطع وانا ماشى , واحد يقولى فولها 90 والتانى يقولها فور الكاربراتير (لانسر كريستالة 98)
 

كان عندى نفس المشكلة وبعد عمل صيانة للكربراتير اصبحت تمام بدون مشاكل

رد: العربية بتقطع وانا ماشى , واحد يقولى فولها 90 والتانى يقولها فور الكاربراتير (لانسر كريستالة 98)
 

اخى الفاضل انا عندى نفس المشكلة ياريت يا اخى لو وجت الحل ارسل لى الحل الله يكرمك