مصر موتورز مجتمع السيارات

اقتباس:

المشاركة الأصلية كتبت بواسطة مصطفى حسين محمد معوض (المشاركة 627469)

أنا من أسيوط واريد شراء لوجان 2012 فهل في صيانة في أسيوط أم لا وهل السيارة كويسة

السؤال الصح لو مش هشترى الوجان هشترى ايه

هشترى عربيه صينى وزي البطيخه انا وحظى وابشن بلا اى متانه

هشترى الفرنا عربيه واطيه جدا بتحك فى الخطوط الى على الارض ومفهاش اى عوامل امان وبعد 120 مفيش فرامل وثبات سيء وتوكيل من اسوء ميكون ولا حتى فيها اير باج وتقفيل مصرى ومادرك بالتقفيل المصرى كارسيها غير مريحه

هشترى لانوس عربيه زي زي الجبوها من 2000 الناس اشترتها وبعتها وانته رايح تجيبها جديده وبردك مشكله فى الفرمل واطيه جدا على الارض و ماتور تكنولوجيا قديمه يدوب 75 حصان 1300 دلوقتى عدوه وتوكيل يتفات ليه بلاد وتقفيل مصرى وضيقه جدا

هشترى ساجا عربيه جميله والوحيده الفى راى التستحق انها تحط فى جمله واحده معه لوجان ولكن عز العرب مبهدلها

هشترى افيو مش هتكلم خش قسم افيوا وانته تشوف

ولا اشترى لوجان ستيب ترونك (مانول + اوتماتيك ) وماتور 110 حصان 1600 سي سي 16 صاب 2 كامه الماتور والفتيس فرنساوى بالكامل وبيجى متقفل من هناك وهو الموجود فى الميجان وان والدستر عربيه تقفيل مغربى عاليه جدا عن الارض 15.5 سم لا يقدر على مطب عفشه ناعمه جدا عربيه ثبات لحد 180 ولا كلمه واسعه جدا جدا شنطه بحر الاعلى فى فئتها العربيه الوحيده الى اقل من 100 الف استيب ترونك افضل توكيل فى مصر فى خدمته اوفر جدول صيانه بتغير زيت كل 10 الف كيلو فول اوبشن ملت فانكشن 4 زجاج كهربه ونور شابوره امامى وخلفى تانك 60 لتر استهلاك بنزين موفر 7.5 لتر كل 100 كيلو عوامل امان اير باج للسائق ودعمات لابواب العربيه مصفحه من تحت واصلا مفيش حاجه ممكن توصلها من تحت الله اكبر عليها جبل ماشى اما عن قطع الغيار فمش هكلم خش شوف اسعار توكيل رينوا وقارن انته بتوكيل فيرنا ولانوس ومتنساش انحنا قطاعنا فرنساوى وبالضمان اما اعادة البيع فى تحسن لان العربيه بعد الاوتماتيك عليها اقبال ويكفى ان العربيه الهتحس انك دافع على قد مواخد وزياده وكل قرش فى مكانه لانها العربيه الوحيده التجبها هنا ارخص اكتر من 20 الف من ان تجبها من السعوديه لانها مخصوم منها جماركها

انا بعتذر لاى حد من ملاك السيارات التانيه لكن بجد انا لا اتخيل ان ممكن فرناولانس ولوجان يتحطه فى جمله واحده وبعتذر لجميع بعد التعديلات فى الوجان 2012 وازالة كل مشاكل وشكاوى الاعضاء من جزورها ونزول الاتوماتيك بالجير ده والماتور ده خلص الكلام لوجان رقم واحد فى نظرى بلا منازع

لكن نظرا لانك من اسييوط والتوكيل مهم فى لوجان لان واحد من اهم مزياه فشوف اقرب توكيل ليك فين من الملف ده
http://www.renault-egypt.com/faceboo..._Ar%20last.pdf

لكن راى وبكل امانه يتركب لوجان يتدور على حاجه مستعمله فى الرنج ده مفيش حاجه تستحق يتدفع فيها فلوس الى الوجان او الساجا "ده راى من غير محد يزعل"

وربنا يوفقك لما فيه الخير ليك وتوفق فى اختيارك
تحياتى
محمد رسمي