مصر موتورز مجتمع السيارات - علبة دركسيون الجيتز

مصر موتورز مجتمع السيارات (https://www.masrmotors.com/vb/index.php)

- Hyundai هيونداى (https://www.masrmotors.com/vb/forumdisplay.php?f=37)

- - علبة دركسيون الجيتز (https://www.masrmotors.com/vb/showthread.php?t=131673)

علبة دركسيون الجيتز

(بسم الله)

السلام عليكم

أمتلك سيارة هيونداي جيتز موديل 2008 و خبطتها تريلا من الأمام و هي مركونة أواخر سنة 2011

المهم صلحتها ف ورشة كويسة و أتكلفت 15 ألف جنية الحمد لله المتسبب في الحادث هو اللي دفعهم و بعد كده و دتها التوكيل أكشف عليها علشان أتطمن من الشغل في الورشة و

هناك غيرت المقص اليمين و قاعة موتور العلوية و بعد كده بفترة غيرت القنطرة الأمامية

بعد ما أستلمت العربية من الورشة بإسبوعين ظهر صوت طقطقة أو خبط أسفل العربية من الأمام لمه بكون ماش في طريق غير ممهد و مكسر
و في خلال زياراتي للتوكيل للفحص و تغيير ما تم ذكرة سابقا كنت بقلهم علي موضوع صوت الطقطقة بس مع كل صيانة أو قطعة تتغير الصوت مكنش بيروح لحد ما آخر مرة من

إسبوع بس و انا بعمل صيانة ال 80 ألف كيلو قالولي علبة الدركسيون هي السبب

سعرها بالضريبة و المصنعية 7500 جنية

1- هل أصدقهم و أغيرها عندهم؟؟ ولو عملت كده خايف صوت الطقطقة يفضل موجود و أبقة خسرت الفلوس لأني مغير قبل كده قاعدة موتور و قنطرة أمامية علي أمل أن الصوت

يروح و ده ما حصلش
2- هل تتصلح بره في ورش و هل تصليحها مضمون ولا العيب بيرجع تاني بسرعة؟؟
3- هل في منها تقليد مثل الأصلي ممكن أشتريه و أركبة؟؟
4- هل في خطورة من علبة الدركسون ممكن تأدي لإنقلاب العربية مثلا أثناء السفر؟؟ المشكلة ده بقالها معاي حوالي سنتين أهه و مش عارف أحلها

آسف للإطالة و شكرا

رد: علبة دركسيون الجيتز

ممكن تصلحها فى ورشة خارجية (أى ورشة تصليح علب دركسيون) وتشوف الصوت حيروح ولا لأ
اذا الصوت مارحش يبقى مش هيا السبب
لو الصوت راح يبقى عندك اختيارين انك تفضل بالعلبة نفسها بعد الاصلاح أو تشترى واحدة جديدة وانت متأكد انها السبب فى الصوت.

رد: علبة دركسيون الجيتز

اوعى تصلح العلبة حووووووار فاشل بياخدو قد كدة فلوس وبترجع تبوظ تانى اسأل مجرب
الاحسن انك تكشف عليها ف كذا مكان ولو هيا السبب يبقى تغيرها بجديدة

رد: علبة دركسيون الجيتز

روح لعفشجى محترم هيكشف ويعرف السبب
ولو بايظة تجيب استيراد ومترميش القديمة

رد: علبة دركسيون الجيتز

تجيب استيراد الافضل ثم الافضل ثم الافضل بعد التاكد من وجود عيب فيها مش في غيرها والسلام ممكن تتاكد بنفسك حركة سريعة من اليمين الى اليسار لو في فراغ بين الاتجاهين فمنها