حاجز يوم 1-11 وقالولي اه السعر هيزيد عشان ال24 ساعه دول
 

بجد واللهي انا دمي محروق جدا من التوكيل وكرهت العربيه دي قوي انا كنت حاجز في فرع المهندسين يوم 1-11-2012 والنهارده كلمت الفرع رد عليه المندوب محمد ابو ضيف وده الي كنت حاجز معاه وقولتله انا حاجز من يوم 1-11 ولحد دلوقتي ولا حد كلمني علي التسليم مع انه بنفسه لما حجزت قالي ان شاء الله هتستلم علي اواخر ديسمبر قالي اه فعلا انا كنت لسه هكلم حضرتك بس مش عشان اقولك علي التسليم عشان اقول لحضرتك ان سعر العربيه بقي 82000 انا قولت له انا عارف ان الي حاجز لحد 31-10 هيزودوا عليه 2000 ج بس هوه انته عشان 24 ساعه هتزود عليه 10000 ج قالي اه يا فندم دي تعليمات ادارة وهما مشددين جدا علي الموضوع قولتله مش عشان يوم فرق ادفع 10000 زيادة قالي انا اسف يا فندم قلت له من الاخر انا مش هستلم بالسعر ده وكده يبقي هلغي الحجز بمنتهي البرود قالي الي حضرتك تشوفه حضرتك تبلغ بالغاء الحجز وخلال 48 ساعه يتم رد مبلغ الحجز .....
بجد حاجه تحرق الدم عشان يوم واحد ادفع 10000 والي يغيظ اكتر اني فعلا نزلت يوم 31-10 عشان احجز في فرع الدقي وملاقتش هناك محاسب وقالي مش هينفع تحجز في الفرع ده وطبعا روحت ونزلت اليوم الي بعده وحجزت في المهندسين والمندوب محمد ابو ضيف ده عارف الموضوع ده وفكرته بيه لاني كلمت فرع المهندسين ساعتها وهوه الي رد عليه و قالي تقدر تيجي بكره الفرع هنا المحاسب هيكون موجود وهوه مش علي لسانه غير احنا اسفين يا فندم دي التعليمات الجديدة مش حافظ غير الكلمتين دول باين
انا طبعا هسحب المقدم وعمري ما اجيب عربيه عارف ان سعرها علي الاوبشن الي فيها ده 72500 واجيبها ب 82000 عشان توكيل مستغل وعايز ينط بسعر العربيه ومش هيلاقي ظروف احسن من دي يعمل فيها كده ويبالغ في الزياده بالشكل ده
بجد حاجه تحرق الدم ونصحيه لاي حد حاجز متقبلش بالي بيحصل ده لان دي واللهي سرقه عيني عينك واسحب مقدم حجزك وخلي مخازنهم بقي تتملي بالعربيات وخليهم يفرحوا بالسعر الي هما زودوه ده بطريقه خياليه وغصب عنهم لما يلاقوا مفيش طلب خالص علي العربيه هيعيدوا نظر في الاسعار الغريبه دي لكن لو الطلب فضل موجود علي العربيه يبقي احنا نستاهل اكتر من كده

رد: حاجز يوم 1-11 وقالولي اه السعر هيزيد عشان ال24 ساعه دول
 

كلام سليم جدا جدا

دى سرقه علنى

رد: حاجز يوم 1-11 وقالولي اه السعر هيزيد عشان ال24 ساعه دول
 

فعلا عندك حق

رد: حاجز يوم 1-11 وقالولي اه السعر هيزيد عشان ال24 ساعه دول
 

كلامك مفيهوش غلطه . و ياريت الناس تتحد و ناخد موقف واحد ( مش هستلم إلا بسعر الحجز ) لإن هو ده بس إللى يردعهم .:fun_36_1_28[1]:

رد: حاجز يوم 1-11 وقالولي اه السعر هيزيد عشان ال24 ساعه دول