تجربة الاسبوع الاول بعد ترخيص اللوجان
 

مساء الخير على كل الاخوة الاعضاء :
الحمد الله انا رخصت يوم الاربعاء الماضى لوجان فول ابوشن موديل 20013 و استنت حتى ينتهى شهر رمضان المبارك اعاده الله علينا بالخير ان شاء الله حتى امشى بالعربية بعيد عن الزحمة . امبارح ركبت الاسرة كلها و مشيت بها و طبعا شغلت التكيف و الراديو و بصراحة العربية ما شاء الله : التكيف كان على (3) و كنا العصر و العربية تلجت و نزلته على 2 . السحب معقول جدا مع تشغيل التكيف و حمولة الاسرةا للى معايا . الراديو صوته ممتاز . وماكنتش بزيد السرعة عن 60 مع تغير السرعة من 1 الى 4 . العفشة ناعمة جدا جدا جدا جدا و عظم العربية طرية جدا و خاصة على المطبات و الحفرة . غير اللانوس تماما االلى كنت بسواقها قبل كده (واطية جدا و عفشة لا تقارن بالانوس ) بصراحة عفشة اللوجان ملبنة . العربية كمان عالية جدا جدا عدت على غطاء مجارى عالى سنة و العربية كانت متحملة و لم تلمسه . و على فكرة ابوشن العربية مش وحش جميل جدا و فى نوع من التميز و التجديد عن كل العربيات من اماكن الزراير و الكلاكس مكانه رائع و مريح جدا عكس ما توقعت . لكن انا ملتش السخونة اللى فى الدواسات ولا النتشة اللى فى الفتيس . و صوت الماتور لا عالى و لاحاجة. بس العربية رغم انها موديل 2013 او ل اغسطس منغير بلوتوث و usb . كنت عاوز اخد راى السادة الاعضاء اللى استفدت منهم الكثير فى هذه الناقط : هل من المفروض اتبع اجراءت التليين مع ان صاحب المعرض اقلى شغل كل حاجة العربية جيه متلينة انا عارف انى شغلت التكيف امبارح بس علشان نجربه و نتفرج علية . و فى حاجة زعلتنى امبارح اكلت مطبيين بسرعة كبير و كنت خايف ان تكون حاجة انكسرت . مطبيين صنعيين و احد على فجاءة و واحد وانا بتكلم مع اخوى عموما اسف على الرغى الكتير بس انا حبت اكلمكم عن العربية بعد اول مشاور لى .

رد: تجربة الاسبوع الاول بعد ترخيص اللوجان
 

الف مبروك
ربنا يديك خيرها و يكفيك شرها
بالنسبه للتلين حاجه غريبه ان صاحب المعرض
يقولك انهامتلينه ده معناه ان هيا عمله فوق 1000 كيلو

رد: تجربة الاسبوع الاول بعد ترخيص اللوجان
 

لااااااااااا يقال ان الموتور ملين فى المصنع بس الاحرص لينها

رد: تجربة الاسبوع الاول بعد ترخيص اللوجان
 

يا فندم مبروك على العربية , وعيش حياتك فيها براحتك وشغل التكيف لأن كل مواتير اللوجان بتيجى متلينة وأنصحك أى معلومة عاوز تعرفها خدها من مصدرها . يعنى عندك صفحة رينو مصر على الفيس بوك وهما بيردوا على أى أستفسار وما بيتاخروش على حد فى الجواب على أسئلته .. بس نصيحة ليك ما تجريش فى أول ألف كيلو وربنا يملهالك بركة

رد: تجربة الاسبوع الاول بعد ترخيص اللوجان
 

الف شكر على نقل التجربة
بخصوص الاسئلة
موضوع التلين دا عليه كلام كتير جدا
ناس تقول انتا لازم تكون حنين على العربية واحد يقولك اول 1000 كم والتاني يقولك اول 3000 كم والثالث يقولك اول 5000 وتلاقي صاحب المعرض بيقولك العربية متلينة
عموما انتا شغل التكيف بس فترات مش طويلة وكمان متزودش السرعة
بخصوص موضوع المطب اللي انتا عديت عليه بسرعة ممكن تروح عند واحد عفشجي يبص على العفشة ومش هتحص لاي حاجة ان شاء الله
وتقبل تحياتي :Wkiss5: