اعمل ايه فى الفتيس دا ؟ هيجننى !!
 

السلام عليكم ورحمة الله وبركاته

• الفتيس كان بينط ويمور فى كل الغيارات لما رحت فتحت الفتيس لقيت هجيب حاجات (قطع الغيار ) لتصليح الفتيس بـ 350 بدون المصنعية والتكلفة الكاملة بالمصنعية 550 جنيه ......
• وثمن فتيس استيراد كامل فى حدود 600 جنيه مع العلم انى عايز قرمة بس الى هو الصندوق الى فيه التروس بس ودا ارخص طبعا !!!
• انا روحت جيبت قطع الغيار بس فى امكانية انى ممكن ارجعهم ان شاء الله ... ايه رايكو اجيب استيراد ولا اصلح القديم مع العلم الى كنت مشترى منو العربية كان لسة مصلح الفتيس وحاطط كلو قطع غيار جديد بس الصنيعى قفلو غلط فالتروس بتاكل فى بعض وانا خايف ان الميكانيكى الى معايا يقفلو غلط ولا ينسى بليه ولا حاجة !!
• افيدونى افادكم الله ........ استيراد ولا تصليح ؟

رد: اعمل ايه فى الفتيس دا ؟ هيجننى !!
 

السلام عليكم اخى الكريم :الاستيراد ثم الاستيراد ثم الاستيراد

رد: اعمل ايه فى الفتيس دا ؟ هيجننى !!
 

السلام عليكم

مفيش فرق فى السعر وأنا أرجح تاخدلك فتيس استيراد متلعبش فية أحسن.

بالتوفيق ان شاء الله

هشام باهى

رد: اعمل ايه فى الفتيس دا ؟ هيجننى !!
 

ANAA7TG يا جماعه هو انتم متخيلين ان فى حاجه هنا فى مصر اسمها استيراد بجد ؟؟؟؟؟؟ داحنا بلد نصابين وكلنا بنعانى من النصب فى قطع الغيار . والإستيراد اللى انتم بتتكلموا عليه دا بيكون استعمال محلى ومهرى لعب وتصليح لما كفران ..... وفى الآخر يبيعوهولك على انه استيراد وبتمن قريب من الجديد كمان . وبعد ما تاخده تبتدى تعيش حياتك معاه وانت وحظك ..POLICEE

عموما أخى العزيز لو انت من القاهره هنا . أنصحك انك تنزل عند صليب اللى عند دوران شبرا . ودا كذا فرع فى المنطقه دى . ودول ناس متخصصين فيتيسات فقط . مابيشتغلوش فى اى حاجه تانيه غير الفيتيسات فقط . ولو ما كنتش لسه اشتريت هما هناك حايشوروا عليك بالأفضل . وربنا معاك .

رد: اعمل ايه فى الفتيس دا ؟ هيجننى !!
 

لحالتك ونظرا لقرب قيمة التكلفه من بعضها فى القيمه

فأنا أرجح الأستيراد ( مع الأشتراط على البائع أنه تحت التجربه )