الزجاج الأمامي بيعمل شبورة من جوه
 

أنا حبيت أحكي الموضوع ده لأني حسيت أنه جديد الصراحة.
الموضوع طبعا كلنا اتعرضناله أنك في الشتا و الزجاج الأمامي بيعمل شبورة من جوه لأنك مقفل الشبابيك و مدفي لكن الوضوع كان غريب شوية.
أولا كانت عربية واحد صاحبي لانوس 2004 والعربيه زي الفل الحمد لله و احنا رايحين مشوار باليل المهم البربريز بيعمل شبورة من جوه و مش كله ديه دايره صغيرة كده المهم بعد شوية تركيز لقينا أن فيه هوا سخن جاي من فتحة التكييف اللي في الوسط. جميل عرفنا سبب الشبورة طب الهوا السخن ده جاي منين؟ احنا مش مشغلين التكييف أصلا و المروحة مش شغالة. واحد يقول يمكن البوابة مفتوحة و بتجيب هوا سخن من عند الموتور بردو لأ البوابة مقفولة. المهم كلمت بتاع التكييف قاللي حاجة بسيطة تعالي أنت بس المهم طلع بقي أن المواسير الي ماشية جوه التابلوه و بيمشي فيها المياه السخنة من الرادياتير و بيسموها التلاجة كلنت مصديه و مخرومة و الميه بتنزل منها و تتبخر و تطلع لنا من فتحة التكييف و تعمل الشبورة ديه علي البربريز. المهم لغينا المواسير ديه أصلا و كبرنا دماغنا لأن الراجل لازم يفك التابلوه عشان يلحمها أو يصلحها.

رد: الزجاج الأمامي بيعمل شبورة من جوه
 

فعلا صح
بس نصيحة للى عايز يفك عشان يصلح ............. لا
الافضل لو حتفك تغير لان لو السربنتينة اتصلحت حتتخرم بعد شوية من حتة تانية لانها تهالكت و مش حتستحمل الضغط فكل ما خرم يتسد يرجع الضغط يعلى طبيعى و يخرم حتة تانية

رد: الزجاج الأمامي بيعمل شبورة من جوه
 

يفضل إنك تلغى دخول الماء الساخن للتكييف

وده موضوع سهل عند أى ميكانيكى

رد: الزجاج الأمامي بيعمل شبورة من جوه
 

الراجل قال كده فعلا لكن هتكون غالية و كمان فك التابلوة مش حاجة سهلة و مش عارف ترجع زي ما كانت و الا لأ.

رد: الزجاج الأمامي بيعمل شبورة من جوه
 

فعلا ده اللي حصل فك الخراطيم اللي داخل و خارج و لغاهم لكن سؤال صغير دلوقتي المواسير ديه اللي المياه ماشيه جواها جنبها بردو مواسير الفريون و علي كده لما باشغل مروحة التكييف الهوا بيعدي علي الاتنين مع بعض؟ طب المياه ديه ماشية علي طول في المواسير ديه أومال ايه لازمت السويتش اللي بنلفه علي الأحمر لما نحب هوا سخن و علي الأزرق لما نحب هوا بارد؟ و كمان ازاي بيتحكم في الحرارة و الا ما فيش تحكم؟ لان بما ان في شريط أحمر طويل و اللون الاحمر بيزيد يعني الحرارة بتزيد.