إيه أحسن خيار كورولا مستعملة حاليًا؟
 

سلام عليكم،،

يا جماعة بعد ما كنت مقتنع بشراء كورولا جنوب أفريقيا mmt على أساس إنها تكنولوجيا جديدة والكماليات وسعرها الواقع، قررت إني أبعد عنها نهائيًا.

أنا دلوقتي محتار ما بين كذا حاجة:
1- كورولا 2010 أوتوماتيك (حوالي 120 ألف)
2- كورولا 2010 مانيوال (حوالي 105 ألف)
3 - كورولا 2008-2009 أوتوماتيك (خليجي) ( حوالي 90 ألف)
4- كورولا 2008ـ2009 مانيوال (حوالي 85 ألف)


أنا معروض عليا كورولا 2010 مانيوال ماشية 12 ألف كيلو بس بـ 108 ألف، إيه رأيكو؟ هي كانت بتنزل بكام جديدة؟ وإمكانياتها إيه؟ وهل سحبها أفضل من الأوتوماتيك؟ (بما إنها نفس الموتور بس مانيوال؟)

وعمومّا، هل موديلات 2010 تستاهل المبالغ دي؟ ولا أخليني في موديلات 2009 الخليجي ومفيش فرق كبيير؟

رد: إيه أحسن خيار كورولا مستعملة حاليًا؟
 

افضل موديل كورولا كان 2007
بصراحة عربية ممتااااااااازة
بس صعب تلاقي واحدة حالتها كويسة وبالذات دلوقتي ان العربية دي بقالها اكتر من 5 سنين يعني هتكون متهلكة
عموما الشكل الحالي للكورولا حلو وجميل وهوا افضل حاجة بس ابعد عن الفتيس MMT لانه مليان مشاكل
يعني خليك في احدث موديل ممكن
واستخير ربنا اولا واخيرا
وان شاء الله تلاقي اعضاء يفيدونك اكتر مني
ومبروك مقدما

Re: إيه أحسن خيار كورولا مستعملة حاليًا؟
 

من اكبر عيوب الكورولا الشكل القديم موديلات 2006 و 2007 عدم الثبات وبعض الموديلات فراملها ضعيفة لكن موديل 2010 لو مش هيفرق معاك المانيوال اتكل على الله وبرضه اسمع راى بقيت الاعضاء