مصر موتورز مجتمع السيارات - تعرضت لتثبيت و العربية كانت هتتسرق !

سافرت يوم الثلاثاء الماضى ثانى ايام العيد لمحافظة دمياط ..سفرية تابعة للشغل و بعد الانتهاء من العمل بالامس الخميس ..راجع على اسكندرية و انا كنت فى منطقة المحافظة فى دمياط الساعة 11 مساء ..سألت واحد اروح طريق دمياط اسكندرية الدولى منين ..وصفلى الطريق وقالى دا طريق السواحل ضيق شوية و اتجاهين بس دا حيطلعك على بلد اسمها كذا و منها حتطلع الكوبرى عالدولى علطول..المهم ..سألأته طيب مفيش طريق تانى..قالى دا اقرب طريق يعنى ربع ساعة بالظبط حتكون ماشى عالدولى..رحت و اخدت اول ملف زى ماقالى و دخلت من الطريق دا و ياريتنى مادخلته..طريق وسط ترعتين زى جسر كدا ..مليان مطبات طبيعية و مكسر جدا و ضيق و طبعا فردة واحدة ...ملفات حادة و مش واضحة تماما ..مما جعلنى اهدى سرعة السيارة ل 40 كم..وكنت خايف جدا جدا من الملفات الحادة دى لانها مش باينة خالص و انا نظرى ضعيف اصلا..المهم جيت على ملف منهم كان الطريق مفيش حد ساعتها ورايا ولا قدامى خالص ..الاقى عيل طالعلى مش عارف طلع من الترعة ولا منين..من شمالى بيجرى عليا بالة حادة ..فمن حسن حظى ان انا كنت فاتح الشباك حتة صغيرة و اول ما لمحته ايدى على مفتاح الزجاج رفعته للاخر و لسة بدوس بنزين بقوة لقيت التانى قدامى فقمت جايب الدواسة للاخر فجرى بسرعة من قدامى ..طبعا كان الملف شديد جدا فقمت خابط فى جزء خرسانى اسمنتى على جانب الترعة بجانب السيارة الايمن كله و حسبى الله ونعم الوكيل فى كل بلطجى حرامى ..ياريت ياجماعة تخلوا بالكم من الطرق المقطوعة دى و تتجنبوها بقدر الامكان ..و عاوز اعرف سعر رفرف اوبل فيكترا 2003 بكان والاقيه فين فى اسكندرية لانى لسة شارى العربية من شهرين و مش عارف الاقى قطع الغيار فين ..وشكرا مقدما ..وربنا يسترها علينا جميعا