مصر موتورز مجتمع السيارات - الرش على الدهان القديم أحسن ولا على الصاج؟

مصر موتورز مجتمع السيارات (https://www.masrmotors.com/vb/index.php)

- جسم و هيكل السيارة (https://www.masrmotors.com/vb/forumdisplay.php?f=176)

- - الرش على الدهان القديم أحسن ولا على الصاج؟ (https://www.masrmotors.com/vb/showthread.php?t=141771)

الرش على الدهان القديم أحسن ولا على الصاج؟

السلام عليكم ورحمة الله وبركاته

يا شباب معايا عربية بولو موديل 99 وعايز ارشها من بره بالكامل

العربية راشة قبل كده مع صاحبها اللي قبلي وحالياً في أماكن كتير من الدهان وقعت وحتت طقطقت فأنا عايز أشيل الدهان القديم كله اﻷول وارش عالصاج
التكلفة هتكون قد ايه وتنصحوني اعمل كده ولا ﻷ؟
أنا مش عارف بالضبط الدهان القديم بيتشال ازاي بس سمعت انه بيتسيح هل ده بيأثر على الدهان الداخلي للعربية؟ ﻷن العربية مش راشة دواخل خالص ومش عايز ألعب فيها

وشكراً مقدماً

رد: الرش على الدهان القديم أحسن ولا على الصاج؟

وعليكم السلام ورحمة الله وبركاتة

من اسباب افضليه دهان الفابريكا انه مرشوش على الصاج فطبعا الاصل ان الدهان يكون على الصاج مباشره والاصل انك تبنى على سطح متين لكن الدهان على دهان هو ده اللى بيسبب الطقطه والمشاكل بعد كده وبالتالى طبعا الدهان على الصاج هو الاصح والافضل

1- الافضل فى الحالة اللى بتوصفها ان الدهان القديم (الخارجى) يتشال خالص (تتجاب ع الصاج) وتتدق (تتسمكر) وتتظبط وتتراجع ميه ميه وبعدين تروح تترش ميه واحدة ده انظف شغل بعد شغل الفابريكا

2- ده كله ملوش علاقة بالدواخل ( الدواخل يعنى حوض وشنطه انت هتشيل الجناب وممكن كبوت وسقف ويفضل جناب بس وقوائم لاء برضو

3- التكاليف فى المتوسط 3 - 4 الاف جنيه حسب خامات الدهان

4- صحيح بيستخدم وسائل لتسييح وتقشير البوية ابسطها النار - الباشبورى - وممكن بمواد كميائيه بس الباشبورى اعتقد اسهل ومفيش تاثير على الفرش او الدواخل والاكسسوارات بتتفك واغلب الفرش المفروض يتفك حفاظا عليه قبل الشغل

5- علشان العربيه متتهانش وتحافظ على قيمتها اتعامل مع مركز وصنايعية كويسين لان الموضوع كله صنعه وتابع الشغل وادى الصنايعية حقه علشان تعرف تاخد منه شغل

رد: الرش على الدهان القديم أحسن ولا على الصاج؟

اقتباس:

المشاركة الأصلية كتبت بواسطة AbOnOrA (المشاركة 1028319)

تمام جداً ... جزاك الله خيراً
هي المشكلة في موضوع المراكز والصنايعية ... المركز اللي سألته ﻷني لقيت الناس بتشكر في شغله قال لي هتكلف من 4 ل 5 ألاف وده كتير عليا بصراحة خصوصا اني عايز اعمل شغل تاني في العربية
وكمان أنا مش من القاهرة أنا من المنوفية يعني مش هعرف اتابع العربية كويس فلازم حد يكون ثقة لو هوديها القاهرة ... حضرتك عند فكرة عن حد كويس في المنوفية يعمل الموضوع ده؟
وشكراً جزيلاً

رد: الرش على الدهان القديم أحسن ولا على الصاج؟

بص انت اولا لازم تاخد سعر بناء علي معاينه العربيه علشان تحدد بالظبط لانها تفرق من 3 - 4 -5 لكن انا اعتقد تتعمل في رنج ال 3 -4 بالكتير واللي يقولك اقل من تلاته يبقي هيعملك شغل تاني خالص

Sent from my SM-G531H using Tapatalk

رد: الرش على الدهان القديم أحسن ولا على الصاج؟

انا للاسف معرفش حد بره القاهره بس اكيد هتلاقي اسعار اقل بره القاهرة

Sent from my SM-G531H using Tapatalk