افضل عربية مستعملة بتكييف في حدود 35-40
 

السلام عليكم
اولا احب اقولكم كل سنه وانتم طييبين

انا اخيرا بعد حيرة 4 شهور بادور علي عربية بتكييف في حدود 35-40 حالتها كويسة و فشلت بشدة قررت حاجة و محتاجة برضوا راي اهل الخبرة

اجيب عربية 127 او ماروتي لمدة سنه و بعدين اغيير و اجيب حاجة زيرو و خصوصا ان المبلغ اللي معايا الحد لله زاد

بس الحيرة دلوقت مين احسن في العربيتين دول بالنسبة ليا؟
مع الاخذ في الاعتبار اني لسة باسوق جديد و زيرو معلومات في مشاكل العربيات

معلش طولت عليكم بس انا عندي امل انكم تساعدوني علشان اخلص من الموضوع ده

و متشكرة جدا لكل واحد هيساعدني و يرد عليا

رد: ساعدوني علشان خلاص والله زهقت
 

اهلا و سهلا بيكي فتافيت هانم:)
المبلغ اللي معاكي ممكن باقل منه تركبي حاجه مكيفه
يعني ممكن سويفت في اوائل الثلاثينات و تبقي حالتها نضيفه او اكسيل 1500 في منتف الثلاثينات
او لانوس 99 في حدود ال 40 الف.
بس طالما انتي فكرتي انك تجيبي زيرو و تستحملي السنه دي فدا قرار سليم طبعا.
بالنسبه للمقارنه بين العربيتين
اولا اهم حاجه الحاله النضيفه جدا لاي عربيه فيهم
و من رأيي الماروتي افضل من ال 127 لان موديلاتها اعلي ومن السهل تلاقي منها حاله كويسه.
اما لو لقيتي 127 حالتها حلوه و دا صعب جدا اليومين دول فال 127 تبقي حلوه برضه و لما تبيعي حتتباع اسرع من الماروتي كمان.
فكري كويس و ما تتسرعيش في الشراء علشان ما تاخديش عربيه تعبانه بسعر عالي خصوصا انك بتقولي انك زيرو في العربيات

رد: ساعدوني علشان خلاص والله زهقت
 

السلام عليكم ورحمه الله وبركاته
لو حضرتك لسه اول مره تسوقى او بتتعلمى يستحسن طبعا ال 127 ومتزدش عن 12 الف جنيه ومتقلش عن موديل 1980 علشان تعرفى تبيعيها وياريت تخرجى نفسك من موضوع الشراء وكلفى اى رجل من قرايبك واهم حاجه ميسمعش كلام السماسره ويسمع اللى بيقولوه ويعمل عكسه تماما :soccer_372:واوعى تشترى العربيه فى الليل لازم تشوفيها بالنهار واى ميكانيكى يبص عليها
وربنا معاك

رد: ساعدوني علشان خلاص والله زهقت
 

يا جماعه بالنسبه للسياره السايبا انا مسئول مبيعات بشركه ناشيونال موتورز وكيل سايبا بمصر وتليفوني هو 0128645110 لأي استفسارات

رد: ساعدوني علشان خلاص والله زهقت
 

لشتري عربية 128 موديل 80 هتبقي في حدود 15 الف او 127 موديل 80 الي 82 هتعمل في حدود 13000
اتعلمي فيها عشان لو اتبهدلت معاكي وحبتي تبيعي متخسريش كتير وطبعا بما انك اول مرة تسوقي فكدة كدة هتبهدلي العربية فيبقي الارخص افضل وبعدين هتبقي ارخص في قطع الغيار