مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)
-   عالم تأمين السيارات (https://www.masrmotors.com/vb/forumdisplay.php?f=61)
-   -   استشارة مفيش محضر و العربية اتخبطت (https://www.masrmotors.com/vb/showthread.php?t=135261)

احمد على 1999 20-12-2014 10:34 PM

استشارة مفيش محضر و العربية اتخبطت
 
زوجتى واحد خبطها فى الباب الامامى يمين و نزل و اتطمن عليها و سابته يمشى :)
لا خدت نمرة عربيته و لا طبعا عملت محضر و لا حتى كلمتنى غير لما روحت :)
المهم انا شفت الباب شكله و الله اعلم يا حيتغير يا شغل مكلكع
انا بقى مش قادر اعمل محضر فشنك ......... ضميرى مأنبنى
تفتكروا لو روحتلهم شركة التأمين و حكتلهم بصراحة و لو طلبوا محضر حقولهم مفيش بس ممكن اعمل واحد على اساس انها اتخبطت تحت البيت
هل اساسا حيقبلوا الاصلاح و العربية باسمى و مراتى اللى خبطاها ؟
هل لو قلتلهم الحقيقة حيتعاونوا و لا ما حيصدقوا و يقلبونى ؟ ( دا مش حيأثر فى قرارى )
لانى ناوى لو وافقوا على موضوع المحضر حيبقى ضميرى مرتاح انهم عارفين الحقيقة
و لو مفيش فايدة حغير الباب على حسابى :(

mismail_2000 20-12-2014 10:44 PM

رد: استشارة مفيش محضر و العربية اتخبطت
 
معظم شركات التأمين لا تشترط المحضر لو التلفيات أقل من 10000 جنيه وفي الغالب تصليح الباب يكلف أقل من 10000 جنيه

احمد على 1999 20-12-2014 11:24 PM

رد: استشارة مفيش محضر و العربية اتخبطت
 
يا رب
الله يطمنك
انا مأمن مع بيت التأمين المصرى السعودى

فالح 21-12-2014 12:33 AM

رد: استشارة مفيش محضر و العربية اتخبطت
 
بسم الله الرحمن الرحيم
أولا عليك عمل إخطار بالحادث وأن يكون فى أسرع وقت ممكن تقريبا يومين أو ثلاثة على الأكثر
ثانيا يمكن عمل محضر ولا تكذب فية يعنى اثبات حالة ولكن لا بد من ذكر التلفيات بالتفصيل وأن تكون حضرتك مراعى قواعد المرور بمعنى أن تكون المدام معها رخصة سارية وأن تكون سرعتها قانونية حسب الطريق الذى كانت تسير فيه وألا تتصالح فى المحضر 0
اذا كانت التلفيات أقل من خمسة آلاف فى بعض الشركات أو أقل من عشرة آلاف فى بعض الشركات الآخرى لا يتم عمل محضر شرطة
يتم عمل إخطار بالحادث ويتم معاينة السيارة من مندوب الشركة كل هذا قبل الإصلاح
تتوجة إلى التوكيل أو المركز الذى ترغب عمل الإصلاح به ثم تدفع وتقدم الفواتير للشركة لصرف قيمة التعويض مع ملاحظة خصم 10% عند الإصلاح فى التوكيل
وأتمن لك السلامة

فالح 21-12-2014 12:40 AM

رد: استشارة مفيش محضر و العربية اتخبطت
 
ليس هناك أى تأثير على إلتزام الشركة بالتأمين سواء كنت أنت السائق أو المدام ولكن لابد أن تكون رخصة القيادة سارية وكذا رخصة السيارة وقت الحادث


الساعة الآن 04:11 PM.

Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017