شراء سيارة من المنطقة الحرة
 

السلام عليكم ورحمة الله

إخوانى الأفاضل بارك الله فيكم

انا عائد من بعثة حكومية ولدي كوبون تخفيض جمارك بمبلغ 10 الاف جنيه من جمارك اى منتج ادخله مصر. وكنت اتمنى ان اشترى سيارة للاستفاده القصوى من هذا التخفيض. فهل يمكننى شراء سيارة من المنطقة الحرة والاستفادة من هذا التخفيض؟

اذا كان هذا ممكنا ، ماهى انواع السيارات المتاحة فى المنطقة الحرة؟ وهل جميعها سيارات جديدة ام هناك سيارات استعمال خفيف؟

اتمنى المساعدة من اصحاب الخبرة ، بارك الله فيكم ونفع بكم ،،،

رد: شراء سيارة من المنطقة الحرة
 

للرفع من فضلكم ،،،

رد: شراء سيارة من المنطقة الحرة
 

طبعا هذه فرصة جيدة جدا... وبالطبع تستطيع أستغلالها. اللى أعرفه أن بورسعيد موجود بها سيارات كثيرة بعضها مستعمل وبعضها جديد... واللى يفيدك فى هذا الموضوع الأخ حسام البورسعيدى من بورسعيد.... ولكن يجب أن تكون عامل حسابك أن السيارات الجديدة ممكن الجمارك بتاعتها توصل 100 % لو عربيات فوق 2000 سى سى. بعنى حضرتك لازم تعرف ان 10 الاف ممكن مش يشكلوا اكتر من 20 % من ثمن عربية.. أرجوا من حسام يرد علينا لانه هيكون يعرف اكثر

حضرتك لم تسأل فى مصر للاسواق الحرة أعرف ان عندهم بضائع ولكن مش متأكد بيشتغلوا فى السيارات كمان ام لا

رد: شراء سيارة من المنطقة الحرة
 

تحت امرك يا باشا ...

اولا : لاقتناء عربية منطقة حره بورسعيد .. يجب ان تكون من ابناء بورسعيد او مقيم لمده لا تقل عن 10 سنوات ..

ثانيا : للاسف توقف استيراد العربيات المنطقة الحره من حوالى 3 سنين .. واقتصرت دلوقتى على العربيات المستعملة ..

والعربيات المنطقة الحره من بعد سنه 1984 لا تزيد عن 1500 cc ..

العربية المنطقة الحره علشان تخرج بره بورسعيد بتخرج بدفتر لمده اقصاها 3 شهور و 100 مره فى السنه على ما اذكر ...

لما كان الاستيراد شغال كانت الميزة فيها انك بتشترى العربية بدون جمارك .. يعنى مش بتدفع عليها جمارك ...

فأنا شايف ان حضرتك ممكن تجيب عربية من اى بلد وتدخلها مصر وتدفع جماركها وتستفيد من الخصم اللى مع حضرتك ..

يا رب اكون قدرت افيد يا جماعة ...

رد: شراء سيارة من المنطقة الحرة
 

متشكرين يا أستاذ حسام على الرد.. الحقيقة أنت اوضحت نقاط الكثير مش كان يعرفها. كثير من الناس كانت فاكرة أن فى بورسعيد سيارات جديدة تماما فى محلات بيع عربيات مستوردة ومش بتدفعوا عليها جمارك طالما من أبناء بورسعيد. مش كنت أعرف ان الحكاية دى أتوقفت... هل فهمت صح؟