|
بروفشنلز اسكندرية
والله يا اخونا انا عامل الموضوع ده لوضع اسماء وتليفونات افضل ناس صنيعية او مراكز صيانة او محلات بيع قطع الغيار الجديدة والمستعملة او محلات الاكسسوار فى اسكندرية عشان الناس كلها تستفاد ويريت الكل يساعد فى الموضوع ده عشان الواحد اتقرف من الصنيعية الى بدل ما يصلحو يخربو ويريت يخربو الحاجه الى هما بيصلحوها بيخربو حجات تانية سليمة ويكلفك تصلحها ويحملك مصنعيتها
فالمطلوب : 1) ناس بتخاف ربنا فى صنعتها او بيعها 2) خدمة ما بعد البيع بمعنى الاستبدال وده بالنسبة لقطع الغيار بصراحة انا معرفش اذا كان الموضوع ده قانونى بالنسبة لإدارة المنتدى عشان حنحط اسماء وتليفونات الناس دى بس انا شايف ان الناس الى بنعلن عنهم هما اصلا ميعرفوش عشان احنا بندور على مصلحتنا ويسلام لما ترحله وتقله انا جبت رقمك وتليفونك وعنوانك من على النت حيعمل شغل مية مية معاك وفعلا حصل معايا الموضوع ده قبل كدا واتعمل معايا احلى واجب علشان هو لو معملش الصح معايا سمعته حتبوظ عندنا اخوكم ابراهيم (هيونداى اكسل) اذهب لآخر صفحة حتلاقو ملخص فيه اسماء الفنيين مقسمة من ميكانيكا وكهربائية وسروجى وقطع غيار وعفشة الى ان شاء الله يتم اضافتهم |
رد: بروفشنلز اسكندرية
اه ,, ممكن والله بس انا للأسف من الشرقية D:
|
رد: بروفشنلز اسكندرية
موضوع جميل ومهم جداً وياريت كل واحد يعرف صنايعى كويس يحط اسمه وعنوانه ورقم تليفونه ليستفيد جميع أعضاء المنتدى
|
رد: بروفشنلز اسكندرية
كهربائى فى نص شارع الابعدية متفرع من شارع الرصافة ناحية قسم محرم بك الصنيعى اسمه وليد شغال هو اخو صاحب الورشة الواد ده ممتاز بس مصنعياته عالية قوى
عفشجى اسمه عاطف القرد (القرد الكنية بتعته وهو مش بيزعل منها) فى امبروزو الشارع الى فيه قوة العسكرى قبل متحصل ترعة المحمودية دى الناس الى انا بتعامل معاهم ونفسى اعرف ميكانيكى شاطر وفى اى حتة فى اسكندرية المهم يسوق العربية ويقول هى عيزة ايه مش اقولو انا هى عيزة ايه |
رد: بروفشنلز اسكندرية
اقتباس:
|
| الساعة الآن 04:04 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017