مصر موتورز مجتمع السيارات - ياعني إيه (إيه بي إس) بيسحف؟!!؟

مصر موتورز مجتمع السيارات (https://www.masrmotors.com/vb/index.php)

- تويوتا TOYOTA (https://www.masrmotors.com/vb/forumdisplay.php?f=28)

- - ياعني إيه (إيه بي إس) بيسحف؟!!؟ (https://www.masrmotors.com/vb/showthread.php?t=46687)

ياعني إيه (إيه بي إس) بيسحف؟!!؟

معلش يا جماعة انا كان ليا إستفسار لو سمحتم؟
أنا قبل ما أستفسر أحب أوضح انواع العربيات الي كان ليا معاها تجربة:
شاهين, فليشيا, ماتريكس 2004 أوتو كاملة خليجي 1.8, نيسان صني إيه إكس 2010 مصري كاملة أوتو مع إيه بي إس, شيفروليه آفيو 2006 أوتو كاملة خليجي, هوندا سيفيك 2006 أوتو كاملة 1.8 خليجي, وأخيرا التيوتا كرولا 2002 أوتو خليجي بيزك أوبشن 1.8.
طيب من وسط العربيات دي كلها الي كان فيها إيه بي إس هما الـ الماتريكس والصني والآفيو والسيفيك والكرولا.
الي إعرفة عن الإيه بي إس إنه منظم بيركب على ماستر الفرامل علشان يعمل تقطيع في دوسة الفرامل علشان لو عايز توجه العربية وإنتا دايس فرامل الكاوتش مايسحفش وتعرف تتحكم في العربية أثناء ضغط الفرامل.
وبتحس بيه من دوسة الفرامل القاسية شوية في دواسة الفرامل كإني فيه نبضات سريعة تحت رجلك ويختلف مدى الإحساس بيه من عربية للتانية.
دلوقتي أنا تعرضت مع موقف مع الكرولا غريب شويتين هحكيلكم عليه:
أنا كنت ماشي في حارتي كنت ماشي تقريا على سرعة من 50 إلى 60 جوا البلد عادي ياعني المهم واحد كسر عليا من الشمال دوست فرامل جامدة ماحودتش الدركسيون خالص لقيت العربية سحفت في خط مستقيم فترة كبيرة وماحستش بالنبضات دي خالص الحمد لله ربنا ستر وجت بسيطة خربوش صغير لأني كنت مفرمل قبل ما يخبطني بس أنا الي مستغربله إزاي العربية بتسحف والمسافة الكبيرة دي حوالي من 5إلى 6 متر تقريبا؟
نفس ضغطة الفرامل دي مع السيفيك كانت كافية تماما إنها توقفني قبل الخبطة وكنت بلاقي دواسة الفرامل فعلا بتنبض زي ضربات القلب كدة.
هل كدة انا عندي مشكلة في الفرامل بتاعت الكرولا؟
ياريت يا جماعة الخير حد يقولي أنا الي فاهم غلط ودا الطبيعي ولا فعلا عندي مشكلة مع الفرامل أروح أظبطها.:fun_36_1_26[1]:

رد: ياعني إيه (إيه بي إس) بيسحف؟!!؟

مبدئيا الـ ABS اللى هى نظام مانع انغلاق (زحف) العجلات Antilock Break System وظيفته زى ما انت قلت انه يمنع زحف العجلات فيقلل مسافة التوقف ..

ولكن ممكن تكون لما فرملت كان فى جنب ماشى على رمل مثلا او ميه والجنب التانى على اسفلت عادى .. فى الحالة دى ممكن يحصل غلق للعجلات ..

وهنا بتأتى الحاجة لنظام EBD او Electronic Brakeforce Distribution وهو خاص بتوزيع قوة الفرامل بنسب مختلفة على كل عجلة حسب حاجتها ..

كمان فى بعض الاحيان ممكن تكون قوة ضغطة الفرامل اقوى من قدرة تحكم الـ ABS فيها فبيحصل غلق (زحف) ..

عموما كل ما يزداد عدد نبضات نظام ABS كل كفائته ما تكون اعلى ..

رد: ياعني إيه (إيه بي إس) بيسحف؟!!؟

هو اللي انا اعرفه وسمعته قبل كده ان نظام ال ABS ما بيشتغلش على سرعات معينه بطيئة وفي بعض الاحيان بيكون فيه سينسور على حسب السرعه او المسافة بينك وبين اللي ماشي قدامك ، يعني بيشتغل على حسب مشيك انت ،،، والله اعلم
تحياتي ليك

رد: ياعني إيه (إيه بي إس) بيسحف؟!!؟

اقتباس:

المشاركة الأصلية كتبت بواسطة حسام البورسعيدى (المشاركة 345495)

مبدئيا الـ ABS اللى هى نظام مانع انغلاق (زحف) العجلات Antilock Break System وظيفته زى ما انت قلت انه يمنع زحف العجلات فيقلل مسافة التوقف ..
تمام يبقى ما إختلفناش.
ولكن ممكن تكون لما فرملت كان فى جنب ماشى على رمل مثلا او ميه والجنب التانى على اسفلت عادى .. فى الحالة دى ممكن يحصل غلق للعجلات ..
لا خاااالص الشارع كله كان اسفلت ونضيف كمان ياعني حتى ماكانشي فيه تراكم رمال ولا أتربة على جنب لأني كنت في آخر حارة يمين غير إنه لو جنب كان بيسحف والجنب التاني لأ كانت العربية عرضت من ورى أو عومت على الأقل بس العربية وقفت في خط مستقيم تماما (خط فرامل الفردتين الي قدام منطبق على فرامل الفردتين الي ورى بالمللي)
وهنا بتأتى الحاجة لنظام EBD او Electronic Brakeforce Distribution وهو خاص بتوزيع قوة الفرامل بنسب مختلفة على كل عجلة حسب حاجتها ..
بردو متفق معاك كدة كله تمام, بس غحنى خلاص قولنا إني ماكانشي فيه ظروف مختلفة لكل فردة.
كمان فى بعض الاحيان ممكن تكون قوة ضغطة الفرامل اقوى من قدرة تحكم الـ ABS فيها فبيحصل غلق (زحف) ..
لا معلش إسمحلي أختلف معاك في النقطة دي: العكس على فكرة إلى أعرفه ياعني إن الـ إيه بي إس مابيشتغلشى على السرعات البطيئة أو الضغطات الضعيفة على دواسة الفرامل
عموما كل ما يزداد عدد نبضات نظام ABS كل كفائته ما تكون اعلى
تمام كدة الله ينور عليك.
..

تمام ياباشا وألف شكر على ردك وإهتمامك.

اقتباس:

المشاركة الأصلية كتبت بواسطة hatem_eg (المشاركة 345532)

تمام أنا معاك ياباشا حسب مشيك إنتا ان معاك فيها ياعني ماشي بسرعة بطيئة أو ضغطك على الفرام ضعيف ياعني بتهدي بس مش بتقف يبقى مش محتاج إيه بي إس أنا متفق معاك مافيش مشكلة بس أنا تقريبا سرعتي كانت 60 ياعني مش سلانسيه ياعني ولما دوست فرامل قومت وقفت فوقيها لأنه رمى عليا فجأة فا اكيد ياعني كنت بقف مش بهدي إطلاقا.
ألف شكر ليك ياباشا على الرد والإهتمام.

أرجوا من الاعضاء الكرام الي عنده تفسير للموضوع ده يقولي عليه لأني فعلا مش مطمن نفسيا خلاص للفرامل والله أنا مش عايز أقولكوا إني مش عايز أركب العربية تاني ياعني المرادي ربنا ستر المرا الي حاية ياعالم إيه الي هيحصل لا قدر الله.
ياعني لو عادي ياعني إني الإي بي إس يزحف لمسافة كبيرة نسبة للسرعة الي كنت ماشي بيها أوك انا مش معترض يبقى الي حصل هوا نصيب وقدر ويفعل الله ما يشاء وبنا يستر علينا.
إنما لو الفرامل فيها ضعف أو سوء صيانة أروح أظبطها واهو بردو يبقى الواحد ما قصرشي في حق نفسه ويبقى الباقي بردو بتاع ربنا.(ونعم بالله)

رد: ياعني إيه (إيه بي إس) بيسحف؟!!؟

لازم تعمل تجربة علشان تعرف إيه مية العربيه

إجري في شارع فاضي وفرمل فجأه وشوف الإيه بي إس إشتغل ولا لأ

يمكن النظام بايظ.

وبعدين إنزل شوف علي الأسفلت العجل زحف ولا لأ

المفروض تلاقي علامات زحف قصيرة المسافة ومتقطعة (ده لو النظام سليم)