مصر موتورز مجتمع السيارات - ياريت أعرف رأي خبراء مازدا الكرام في مازدا 929 ستيشن موديل 79 متركبلها موتور فراشه 2003 بالفتيس والحاله العامه جيده جدا كنت عايز أعرف كل حاجه عن الموديل دا خصوصا قطع الغيار. وهل هي موجوده في المنصوره والدقهليه وياريت كل التفاصيل عن السياره شاكر جدا

مصر موتورز مجتمع السيارات (https://www.masrmotors.com/vb/index.php)

- مازدا MAZDA (https://www.masrmotors.com/vb/forumdisplay.php?f=34)

ياريت أعرف رأي خبراء مازدا الكرام في مازدا 929 ستيشن موديل 79 متركبلها موتور فراشه 2003 بالفتيس والحاله العامه جيده جدا كنت عايز أعرف كل حاجه عن الموديل دا خصوصا قطع الغيار. وهل هي موجوده في المنصوره والدقهليه وياريت كل التفاصيل عن السياره شاكر جدا

شاكر جدا ليكم وأنا آسف لو كنت طولت عليكم خصوصا إن دي أول مشاركة ليه في المنتدى

رد: ياريت أعرف رأي خبراء مازدا الكرام في مازدا 929 ستيشن موديل 79 متركبلها موتور فراشه 2003 بالفتيس والحاله العامه جيده جدا كنت عايز أعرف كل حاجه عن الموديل دا خصوصا قطع الغيار. وهل هي موجوده في المنصوره والدقهليه وياريت كل التفاصيل عن السياره شاكر ج

مفيش ردود من خبراء مزدا ولا إيه ياريت ردود ضروري يا أهل المنتدى الكرام؟؟؟؟؟؟؟؟

السيارة مازدا 929 محترمة جداً من 1973-1990
موتور 2003 شىء جميل جداً
لكن باقى السيارة
كلما قدم موديل سيارة وكانت غير منتشرة بكثرة
كلما قل تواجد قطع غيارها واصبحت دائم الترحال والزيارات لتجار الإستعمال سواء فى المنصورة القاهرة بورسعيد او اى مكان آخر
النصيحة لوجه الله إبحث عن موديل منتشر وقريب الإصدار وهذا خاص بأى نوع سيارة

متشكر جدا على ردك يا أستاذ محمد على فكره العربيه موديل 75 مش 79 آسف على الخطأ بس الفكره إن العربيه حالتها كويسه جدا وسعرها مناسب جدا 18000 وعائلية بامتياز ويباني زي ما حضرتك عارف فأنا بسأل على قطع الغيار وانتشارها لإن في عندنا موديلات قديمه زي المرسيدس الخنزيره وقطع غيارها متوفره وفي المتناول وبعدين القديم دفع خلفي ومتين وعملي وموفر في ظل الأسعار الخياليه اليومين دول فأنا كنت حابب أعرف معلومات عن قطع الغيار ولو استيراد وأماكن توافرها وهل ممكن نوفق قطع غيار من موديلات أخرى ولا لأ وياريت يكون الموديل دا مع حد يفدنا يبقى كتر خيره وممكن الموضوع دا يفيد ناس تانيه بتفكر في نفس الموضوع ولا إيه رأيك يا أستاذي الفاضل آسف إن كنت طولت على حضرتك

https://upload.wikimedia.org/wikiped...5765875%29.jpg

مميزاتها لو حالتها ممتازة انها ركوبة واسعة ومريحة ميكس يابانى امريكانى معتبر بس مشاكلها كتير وبيعها تقيل
مشاكلها قطع الغيار مش متوفرة معانا عضو فى مصر موتورز حكى انه اضطر يجيب ابواب جديدة علشان مش لاقى ليها اكر

اقتباس:

مليانه مميزات يعنى كانت معايا فيها مثبت سرعه تكييف باور سنتر 4 زجاج كهرباء - شنطة وتنك كهرباء فتحة سقف كهرباء مرايات كهرباء يعنى ما اعتقدش انك ممكن تلاقى عربيه زيرو فيها اكتر من كده لا وايه يابانى يعنى قصه
نيجى بقى للعيوب وهو ده المهم اسعار قطع الغيار معقوله - بس بتقل وها تتعب علشان تلاقيها ممكن تلاقى عفشه وميكانيكا بس صالون واكسسوارات وفوانيس صعب انا مرة روحت طبخت 4 اوكر للابواب لما يئست من انى الاقيهم ولا حتى فى بورسعيد وكان الحل انى اشتر اربع ابواب ب 1000 جنيه علشان اوكرتين طبعا الطبخ كان اسرع بس النتيجه مش قوى
سعر اعادة البيع - عربيه تقيله واللى فاهمها وبيحب يشتريها قليل وبالتالى تقيله فى بيعها وسعر اعادة البيع مش قد كده
بعد كده انت حر انا بعد كل اللى قولتهولك انا بحبها بس تعبتنى - ولو لقيتها سليمه 100% يبقى ها تبقى غاليه ولو قدرت على تمنها لو حصل فيها حاجه مش ها تعرف ترجعها زى ما كانت بسهوله