دردشة بخصوص فيات 128
السلام عليكم ورحمة الله وبركاته انا كنت عملت موضوع بخصوص خبطه بتحصل لما بشيل رجلى من على البنزين والمهم طلع الشداد فعلا - زى ما قالى احد الاخوة - اللى تحت العجلة الاستبن ورحت جبت شداد ايطالى ب 40 جنيه والميكانيكي ركبه ب 10 جنيه وكان فى شداد صيني ب 25 جنيه والميكانيكي قالى رجعه ، المهم فى نفس اليوم باليل وانا رايح فرح العربية عطلت فجأة فى شارع العشرين فى فيصل عند بنزينة كالتكس :( وبشهامة اولاد البلد واحد راح متصل بميكانيكي قريب فجي وطلع سير الكاتينة مقطوع واشتريت واحد المانى ب 50 جنيه والميكانيكي اخد 45 جنيه بالعافية :( انا اعتقد ان فى حاجات اضحك عليا فيها بس مش مهم لان الواحد مش بيتعلم ببلاش المهم انا عايز اروح لواحد بتاع ابواب يصلحلى الكوالين و الأوكر بتاعة الزجاج بس مش عارف ياترى هياخد كام والكوالين بكام ولو حبيت اعمل سنتر لووك هيبقي بكام كدا يعنى والزجاج الكهرباء بكام وجزاكم الله خير كمان ياريت لو نعمل دردشة فى تصليحات 128 والاسعار ومصنعية الصنايعية وكدا يعنى واسعار قطع الغيار الجديدة وانواعها |
رد: دردشة بخصوص فيات 128
:shyy::shyy:
|
رد: دردشة بخصوص فيات 128
مالك بس يا روميو انا اللى اقصده من الموضوع دا ان اللى حصلت معاه مشكلة يحكيها ويقول عمل ايه وجاب الحاجات بكام وركبها بكام - وشط ميت خط تحت ركبها او صلحها او عملها بكاااااااااااااااااااام- عشان بس الواحد يبقي عارف رنج - متوسط - المصنعية بكام :shyy: |
رد: دردشة بخصوص فيات 128
أنا أول واحد معاك يا باشا..
رحت أظبط زوايا من يومين عند مركز مصباح اللي في شارع السودان؛ الراجل أول ما نزل ندهلي وقاللي كوتشات الميزان عاوزة تتغير.. جبتهم دلوقتي من مول علي الدين في أكتوبر طقم بـ 14ج، وهركبهم بالليل إن شاء الله عند الميكانيكي بتاعي وأقولك على المصنعية فكرة موفقة.. |
رد: دردشة بخصوص فيات 128
أحلى مافى الموضوع ان المعلومات كلها هتبقي موجود يعنى ( المشكلة - الحل - القطع - الاسعار - المصنعية - مكان القطع - مكان التصليح ) :120105~352: |
الساعة الآن 07:52 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017