ما هو تقييمك لوكيل رينو و مراكز الخدمه
 

تقليل درجات التقييم متعمد لتقليل الخطأ الناتج من أن بعض الناس تميل لوضع تقييمات متفائلة و العكس

برجاء المشاركة ممن يتعامل بشخصه مع الوكيل لضمان نزاهة الإستطلاع (شكرا)

رد: ما هو تقييمك لوكيل رينو و مراكز الخدمه
 

ممتاز جداا

رد: ما هو تقييمك لوكيل رينو و مراكز الخدمه
 

بصراحة انا مش عاجبنى التوكيل
و عندى شكوى و مش عارف اقدمها لمين
انا عندى سيارة لوجان 2009 و ذهبت لعمل صيانة 10000 و كان عندى شكوى من وجود صوت يصدر من الفتيس و يختفى عندما ادوس دبرياج و كذلك وجود صوت تخبيط داخل الابواب و اخبرتهم بهذه الملاحظات عند تسليم السيارة للتوكيل و جابو مهندس شاف الفتيس و شاف الصوت و طلبوا منى العودة بعد 4 ساعات.
امهم رجعت لقيت العربية لسه ما خلصتش و انتظرت حوالى ساعتين كمان بعد الميعاد وده مش المشكلة
المشكلة انى وجدت المشاكل هى هى و مافيش حاجة اتعملت و رجعت لمهندس الاستقبال و ارسل جاب مهندس مدير الميكانيكا انا لا اذكر اسماء
افادنى سيادته ان صوت الفتيس ده طبيعى
قلتله ازاى طالما ان الصوت بيروح لما ادوس دبرياج يبقى فى حاجة غلط و طبقا لمعلوماتى البسيطة بالسيارات غالبا دى بلية الفتيس
اخبرنى سيادته ان كل السيارات فيها كده
قلتله لا انا جربت الموضوع ده فى جميع السيارات مش موجود دا انا عندى عربية تانى 128 مافيهاش الصوت ده و جربت كذا عربية مافيهاش
قالى لا اللوجان كلها كده و طبعا انا مش مقتنع بده و لو اللوجان كلها كده يبقى ده عيب فى تصميم و تصنيع السيارة. و بعد جدال اكتشفت انه مش هيتعمل حاجة اكتر من كده. و انهم بيستخفوا بعقول الناس
اخت العربية و مشيت و اتجهت الى اسيوط موطنى و انا فى طريق العودة اكتشفت وجود صوت تخبيط عالى جدا فى المطبات كان السيارة كلها مفكوكة من بعض.
نزلت افحص السيارة فوجئت بان السادة بتوع التوكيل قامو بفك الغطاء السفلى للموتور و لم يتم تثبيته حطوا المسامير فقط و اكتفوا . طبعا وقفت عند اول واحد بتاع كاوتش و قمت بتربيط الغطاء السفلى و وجدت مسمار ضائع ووضعت واحدج غيره
و طبعا رغم انه موضوع بسيط لكنه لا يصدر من توكيل يحترم اصحاب السيارات
علما باننى راجل مهندس و افهم شوية سيارات
ده رقمى 0101908866
و ياريت حد يبلغ ادارة التوكيل عن شكوتى حرصا على سمعتة التوكيل علما باننى اسال يوميا عن السيارة من ناس كتيرة عايزة تشتريها و بشكر فيها

رد: ما هو تقييمك لوكيل رينو و مراكز الخدمه
 

باشمهندس yma4444

أولاً مبروك على العربية و ربنا يديك خيرها و يكفيك شرها.

ثانياً موضوعك ده لازم ترجعلهم فيه لعدة أسباب
1- أنت شارى عربية زيرو عشان تريح دماغك مش عشان تشغل بالك بالأصوات
2- التوكيل فعلاً و عن تجربة مع أكثر من زميل مش بيشتغلو الناس
3- ده حقك.....أياً كان التوكيل كويس ولا لأ.

حضرتك لو نازل القاهرة قريب ممكن تروح لمركز صيانة العبور وتسأل على المهندس محي و تقوله على مشكلتك
أو المقطم و تسأل على المهندس وائل ذكى ( بس للأسف هو مش شغال طول الأسبوع هناك.....بيشتغل 3 أيام فى المقطم و 3 أيام فى توكيل كيا )

و ممكن برضه حضرتك تتصل على 16202 الرقم المختصر و تبلغهم أن عندك شكوى وعاوز تكلم حد مسؤل

لو مفيش حاجة نفعت من دول أرجعلى و أنا أن شاء الله هحاول فى محاولتين معينين وربنا يوفق أن شاء الله.

رد: ما هو تقييمك لوكيل رينو و مراكز الخدمه
 

كل التوكيلات بمصر لاتتعامل مع العميل بصراحه مطلقه بل اشتغالات مطلقه