مشكلة في فيتيس كيا كارينز
 

عندي عربيه كيا كارينز 2013 ستبترونيك
انا بمشي بالعربية دايما علي الاوتوامتيك علي ال D
وبيظهر علي شاشة العداد حرف ال D
ولما احب امشي بيها علي الغيارات بيظهر مكان حرف ال D رقم الغيار 2 او 3 وهكذا
دلوقتي العربية فجاه تقلب مانويل ويظهر رقم الغيار جنب حرف ال D يعني كدا مثلا D2 او D3
وممكن تفضل كدا فتره ممكن ساعات وممكن ايام وترجع تاني تبيقي عادي وممكن تفضل كويسه اكتر من 6 شهور وترجع تعمل الحكاية دي فجاه
ولما المشكله دي بتظهر المفروض لما اجيب العربية علي وضع ال P او ال N يفضل الحرف ظاهر
لا اللي بيحصل ان الخرف يظهر لمده ثواني ويختفي ولما انقل علي ال D يظهرلي علي الشاشه D1
وتفضل العربية علي السرعه الاولي ومش بتنقل ولازم انقل العربية علي وضع الغيارات عشان اجيب السرعات التاني والتالت والرابع
ملحوظة يا جماعه الموضوع دا حصل معايا قبل كده كام مره بعد ما اغسل العربية
وساعات تعمل كده لوحده وانا ماشي وترجع تاني بره لوحدها
وساعات تبقي عادي خالص واركن العرية واجي اتحرك تاني الاقيها عملت نفس الحكاية
ممكن حد يفيدني الموضوع دا ممكن يكون من ايه واعمل ايه بالظبط