باركولي اول صني حمراء توصل للمنتدي( لوووولوووولي)
 

الحمد لله استلمت الصني امبارح بعد 5 اسابيع حجز
كانت عاملة 7 كيلو وعملت بيها اكتر من 100 كيلو في اول يوم .. احساس مختلف خصوصا اول مرة اسوق عربية سيدان كل العربيات الي كانت معايا هاتشباك ( مازدا-اوبل-سكودا) انطباعي عن العربية لحد دلوقتي ممتازة بس عيبها فعلا الكنبة الي ورا فعلا ضيقة شوية
استوني مع تقرير عن البنزين الي شاغل ناس كتير وانا اولهم
طبعا اشكر العضو s0144862631 الاستاذ سعيدالي ساعدني كتير

رد: باركولي اول صني حمراء توصل للمنتدي( لوووولوووولي)
 

GIFT4Uالف الف مليون دشيلون مبروك واللون النبيتى لون جميل ماشاء اللة ربنا يبارك لك فيها ويهبك خيرها ويباعد بينك وبين شرها ومنتظرين تقريرك اخوك برضة حاجز من 13يوم ياترى اية الاوراق اللى استلمتها مع العربية وهل اخدت هدايا وجربت التكييف

رد: باركولي اول صني حمراء توصل للمنتدي( لوووولوووولي)
 

الله يبارك في حضرتك
اللون احمر مارلبورو وليس نبيتي
الاوراق هما بيخلصوها وانت بس بتاخدها منهم وتوديها للمرور الي انت تابع لية للترخيص وانا دفعت 25 جنية
طبعا بصيت علي التكييف تاخد باللك انك مش حتشغلة اول 1000 كيلو... وعلي الاستبن وعلي الكوريك وعدة الشطنة ومعاها مفتاحين وريموت.. وشيكت علي المساحات... وشغلتها والانوار كلها.... وشغلت الازاز الكهرباء..... وتاكد من السنتر شغال.... وتبص علي ولاعة العربية وطفاية السجاير موجودين ولا لا ...... واقعد علي الكراسي وحرك ادام ووري ...... افتح الابواب الاربعة وشوفها بتفتح بسهولة ولا في تزييق
العربية المفروض متعديش 50 كيلو
اتاكد من صوت الماتور هادي وناعم
اهم حاجة متنساش تاخد ضمان البطارية والكاسيت عشان كان حينسي وانا الي فكرتة بيهم
رقم الشاسية للمانيوال بعد 31250
الاوتوماتيك بعد 31418
بعد الموديلات دي فيها حساس الاكسجين مش حتخسر حاجة ابقي اطمن برضة
بص علي العربية من بين الابواب والاكصدامات حتقولي لييية؟؟؟
بعض الموزعين العربية بتتخبط منهم اثناء النقل ممكن تكون مرشوشة او فيها حكة عشان كدة لازم تستلم في النهار
ومبروك مقدما

رد: باركولي اول صني حمراء توصل للمنتدي( لوووولوووولي)
 

بالنسبة للهدايا
شماسة وطقم دواسات( طبعا مش جلد ) وعلبة مناديل وفواحة من عندة اداني ميدالية مكتوب عليها نيسان حلوة بصراحة
طبعا اهم من كل دة دفتر كوبونات بقيمة الف جنية

رد: باركولي اول صني حمراء توصل للمنتدي( لوووولوووولي)
 

معلش هو فى حاجة اسمها ضمان على البطارية والكاسيت!!!!!ايه ياترى