الشورت بلوك للسياره النوبيرا
 

اشتريت نوبيرا 2008 مانيول من ثلاث شهور ورحت اعمل صيانة فى مركز فى جسر السويس لانى كان عن استهلاك البنزين 130كم لل20لتر بنزين وكان الفتيس بيعمل صوت وهو بياخد الاول فقالى اننا هانغير طقم الدبرياج والرشاشات وحساس الشكمان . المهم بقا انو قالى ان الموتور فيه نقرا وعايز يجيب شورت بلوك وقالى امشى عليه لحد مايجييب اخره . انا سالت على الشورت بلوك فى الحرفيين قالوللى ان فيه واحد 3000 دا كهربا وواحد 2600 دا سيور (مش متاكد من الوصف) غير ان اننا قلقان من التكلفة وصنعة الميكانيكى . فاللى عنده خبره فى الموضوع ده يفيدنى .. وشكرا

رد: الشورت بلوك للسياره النوبيرا
 

2008 وفيها ترزيع!!!!!!!!!!!!!
فعلا العربية دى كل حاجة فيها حلوة عدا موتورها بحس انة ضعيف على البودى

المهم
انا بامنة معرفتش حضرتك تقصد اية فى الفرق بين الموتورين
ولكن انا هاقول لحضرتك اللى اعرفة

الفرق بين المواتير هو البوابة
المواتير الاوربى او الخليجى زى ما بيقولو البوابة كهرباء
اما المواتير المصرى البوابة واير
الافضل من وجهه نظرى الواير
فهل انا فهمت صح؟

رد: الشورت بلوك للسياره النوبيرا
 

برنس يا mr astra

رد: الشورت بلوك للسياره النوبيرا
 

معلش عشان مش فاهم شوية يعنى اية البوابة ومهمتها اية وللعلم ان الموتور اللى عندى 1500 والميكانيكى قالى هانجيب 1600 هل ده صح لانى قريت لى مشاكل من انك تجيب شورت بلوك مقاس غير اللى راكب , وهل الاسعار دى كده كويسة , ومصنعية الميكانيكى هاتبقى فى حدود كام .

رد: الشورت بلوك للسياره النوبيرا
 

اولا ربنا يوفقك للاحسن ويعوضك خير ان شاء الله
معلوماتي البسيطه عن الموضوع ده هي ان الموتور كامل الشورت بالوش بحوالي 2800 جنيه تقريبا والمصنعيه فك وتركيب ب 500 جنيه ولكن خد لبالك ان الموتور استعمال الخارج وارد يكون مش كويس وبكده الميكانيكي مالوش دعوه عند الفك والتركيب تاني ممكن يطلب مصنعيه جديده وكمان هتغير رقم الموتور في المرور وللحديث بقيه ان كان في العمر بقيه