مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)
-   تجارب اﻷعضاء (https://www.masrmotors.com/vb/forumdisplay.php?f=178)
-   -   مشكله بسببها تكيف البيت كان عطلان سنتين وحتى الشركة معرفتش تصلحه والعبد لله صلحه النهارده (ادخل بسرعه) (https://www.masrmotors.com/vb/showthread.php?t=91864)

sayed2077 11-07-2012 10:40 PM

مشكله بسببها تكيف البيت كان عطلان سنتين وحتى الشركة معرفتش تصلحه والعبد لله صلحه النهارده (ادخل بسرعه)
 
السلام عليكم ورحمة الله وبركاته

كنا اشترينا تكيف شباك ماركة كارييير بيقولوا عليه تصميم(خليجى)
وده شكله

http://www10.0zz0.com/2012/07/11/18/633353491.jpg
لانه المروحه بتاعته مصممه انها تاخد المياه اللى نازله من التكثيف
وتضربها على السربنتينة الخارجيه علشان تبرد اسرع
وقدرته لما جينا اشترينا قالولنا ان ده 2 حصان
بس النهارده اكتشفت انه 1.75 يعنى 2 حصان الا ربع
بارد ساخن

المهم احنا اشتريناه فى شهر 4/2010 وفضل مقفول الشهرين وشغلاناه من 6/2010 الى 10/2010 اللى نهاية فصل الصيف وكان على اخر ايام اول صيف ليه كان بداء يخرف شوية يعنى المروحه تحس انها بتلوق وطول ما هى شغالة طق طقط طق طق حتى الجيران اشتكوا من الصوت المهم مهتميناش الصيف ده وقولنا خلاص كده كده الصيف خلص وعدت الشتا وجيه صيف 6/2011 وجيبنا الشركة علشان تعمل الصيانة قبل الصيف والراجل جه وشغله شوية طبعا فاكرين حكاية المروحه مكنش ليها صوت خالص فطبعا ساعتها حتى مكناش فاكرين ان المروحه باظت وبتعمل صوت
المهم راح الراجل طلع التكيف من مكانه وراح موديل الحمام وببخاخه قعد يرش على السربنتينة ومسك فرشاة سنان وقعد ينضف فيها من بره كده وبس وركب تانى شغل كله تمام تمام
المهم (مع العلم ان الضمان كان خلص علشان ضمان كاريير سنه واحده) والتكيف اشتغل شهر واحد كويس وجه على شهر 7/2011
وبقيت المروحه تعمل الصوت العالى تانى فكان عندنا واحد قريبنا فقلتله قالى اما اشوفه فلما شافه وشغله طلع ان فيه حاجه كدا بتبقى ماسكه على المروحه بتاعت الجهاز بلاستيك مكسورة المهم نزلنا جيبنا واحده حديد على قدها من عند بتوع الادوات الصحية والسباكه وثبتناها عليها وخلاص المروحه مبقيتش تعمل صوت
بس بعدها باسبوع بداء التكيف فى الايام الحر يعطل عن العمل يعنى (يبقى شغالى وبعد 10 دقائق تلاقى الكباس بيطلع صوت عالى اوووى وبعدين يبطل وهو بيعمل زمجرة عالية وبعدين يشتغل تانى خمس دقايق ويعطل تانى ) المهم جيبنا الشركة راحوا حاطين الافو ميتر على الجهاز وكانوا بيقيسوا الامبير فالفنى وجد ان الكباس بيسجب امبير عالى وبعدها يفصل فقالى الكباس تعيش انت فقلتله الضمان قالى الضمان خلص فقلتله طيب الكباس بكام قالى الكباس بحوالى 1000 جنية غير مصاريف الشحن بتاع الفريون وكدا طبعا انا اصيبت بالذهول ابقى جايبه ويشتغل 3 شهور بتوع الصيف وبعدها كباس يتحرق المهم قلتله خلاص هبقى اتصل عليكم لو انا حبيت اعمله وبس وانتهى الكلام على هنا وفضل التكيف لا يعمل طوال الصيف وكل ما تشغله الكباس يزمجر وبعدين يطفى وبقى مالوش فايده غير انه مروحه فقط
وعدا صيف 2011 وجه الصيف بتاع السنه ديه سنه 2012
والمكيف كما هو اتصلوا بينا الشركة قلنالهم المكيف بايظ قالولنا هنعمل صيانه فجت الشركة نفس الكلام اللى قاله الفنى اللى قبله بس المره ديه حالة التكيف بقي اسؤ بكتير وبقى يشتغل دقيقة واحده بس وبعدين يفصل وطبعا معرفوش يحلوا المشكله وقالوا ان الكباس بايظ وعاوز يتغير المهم مشيوا وعدا شهر لغاية ما جيه النهارده

11/7/2012

وصحيت من النوم رحت باصص للتكيف بغيظ وقلت فى نفسى مش هو بايظ يبقى بوظان ببوظان بقى وافتحه وافصصه حته حته واشوف فيه ايه وفعلا رحت مطلعه من مكانه

وحطيته فى الحمام
زى ما باين فى الصورة
http://www10.0zz0.com/2012/07/11/18/487913335.jpg


بس المهم شايفين الاسهم اللى فى الصورة الجاية اللى معلهاش حاجه ديه المسامير
http://www10.0zz0.com/2012/07/11/19/357716562.jpg
اللى كان مثبته الجسم البلاستيك اللى مغطى مروحة السربنتينة الخارجية فلما شيلتها وجدت ان السربنتينة من جوه عليها طبقه تراب عامله زى الاسمنت مغطيها من جوه (مع العلم كل اللى كانوا بيجوا ينضفوا التكيف كانوا بينضفوا السربنتينة من بره بس مش بيفتحوا الجسم البلاستيك ده) فعرفت ان ديه ممكن تكون هى السبب
بس ورحت مشمر الهدوم وجبت خرطوم الماية وفرشة سنان وادعك بقى يا معلم فعلا اقصب بالله كان التراب بيطلع فى ايدى محجر والمروحه نفسها كان عليها كمية طيه فى كل مكان والله كنت بطلع من الريشه الواحده طينه تملا كباية صغير والحمام طبعا اتبهدل جامد جداااااااا اه والله المهم فضلت بتاع ساعه علشان احاول انضف فيه لغاية ما وصلت لنتيجه مرضيه جدا ان الطينه والطبقة الاسمنية اللى كانت مغطيه السربنتينه اتشالت ونضفت مجارى الماء فى التكيف الحمد لله ورجعته لحالة لا باس بها بس ورحت مخرجه من الحمام وركبت الجزء البلاستيك تانى ورحت مركبة وشغلت التكيف
وبسم الله ماشاء الله التكيف رجع لسابق عهده مره اخره
الله اكبر
والكباس مبقاش يقف ويزمجر زى الاول لا يبرد الاوضه لغاية درجة الحرارة المطلوبه وبعدين يفصل بصورة طبيعيه جدا ويشتغل تانى مش الاول يشتغل دققه ويفصل حتى التبريد اللى خارج من التكيف وصل لدرجة مرضيه جداا جدااااا جداااا
بسم الله ماشاء الله ولا حول ولا قوة الا بالله

وكلمت قريبى اللى بيفهم فى التكيفات ده وقلتله وكان التكيف شغال نصف ساعه فقط قالى امال بتاع الشركه كل اللى عمله انه حط الافو ميتر ولقا ان الكباس بيسحب امبير ويفصل يبقى كدا الكباس بايظ وقالى طيب لما كنت بيتجيبهم يعملوا صيانه كانوا بيعملوا ايه
هههههههههههههه قالى طيب تابعه ساعه كمان وقولى ايه اللى حصل وفعلا تابعته ساعه و التكيف يعمل بصورة طبيعية جداا واتصلت بيه قالى الكباس عندك مكنش بايظ ولا حاجه كل الحكاية ان الطبقه ديه كانت بتمنع المروحه انها تطرد الحرارة من السربنتينة فكانت درجة حرارة السربنتينة بتعلى جامد وكان الكباس بيفصل علشان يحافظ على نفسه من درجة الحرارة العالية اللى حصلت

والحمد لله التكيف شغال من الصبح الساعه 10 الى الان ويعمل بكفائة كما سابق عهده كاننا لسه شارينة جديد حتى فى وقت الظهيرة من 12 الى الساعه 4 بقى شغال كويس جدا الحمد لله
ومش بيفصل خالص غير لما يجيب درجة حرارة المطلوبه منه

وفعلا انا مش مصدق نفسى الى الان :)
وانتهت التجربه على هنا
وفى النهاية فعلا من غير التجربه اللى عملتها كان زمانى دلوقت دافع بتاع 1500 جنية علشان اصلح التكيف وهو مش بايظ اصلا
وكل ده بسبب كسل فنين الصيانه انه يفك حتة بلاستيك وينضف السربنتينة من جوه

:THUMBS~220::THUMBS~220:: THUMBS~220:

و
السلام عليكم ورحمة الله وبركاته

cmatcho 11-07-2012 11:06 PM

رد: مشكله بسببها تكيف البيت كان عطلان سنتين وحتى الشركة معرفتش تصلحه والعبد لله صلحه النهارده (ادخل بسرعه)
 
الله ينور
فعلا اوقات كتير بيكون العطل علي حاجه تافهه

aalyhabib 11-07-2012 11:21 PM

رد: مشكله بسببها تكيف البيت كان عطلان سنتين وحتى الشركة معرفتش تصلحه والعبد لله صلحه النهارده (ادخل بسرعه)
 
ياريت الشكوي اللي كاتبها دي

تعمل منها كوبي وباست وترسلها

بأسم المهندس مجدي زهران مدير الصيانه الشركه

حتي لا يتكرر ماحدث معك في عميل آخر


444546 444546 444546

sayed2077 11-07-2012 11:38 PM

رد: مشكله بسببها تكيف البيت كان عطلان سنتين وحتى الشركة معرفتش تصلحه والعبد لله صلحه النهارده (ادخل بسرعه)
 
اقتباس:

المشاركة الأصلية كتبت بواسطة aalyhabib (المشاركة 715077)
ياريت الشكوي اللي كاتبها دي

تعمل منها كوبي وباست وترسلها

بأسم المهندس مجدي زهران مدير الصيانه الشركه

حتي لا يتكرر ماحدث معك في عميل آخر


444546 444546 444546


طيب ازاى ارسله او اكلمه ازاى؟؟؟

fepsceasar 15-07-2012 04:32 PM

رد: مشكله بسببها تكيف البيت كان عطلان سنتين وحتى الشركة معرفتش تصلحه والعبد لله صلحه النهارده (ادخل بسرعه)
 
الله ينور ويا ريت فعلا تلفت نظر الشركة
بحس ان معظم الفنيين مش فنيين اصلا ولا عنده فكرة ده بيعمل ايه ولا عايز يتعب نفسه اساسا


الساعة الآن 10:51 PM.

Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017