حاجة غريبة في الدبرياج!!!
السلام عليكم ورحمة الله وبركاته
معايا فيرنا 2011 من سنة ابتديت أحس ان الدرياج بقى تقيل شوية وفيه خشونة وبالذات لما العربية تبقى باردة ... كأنك راكب عربية موديل التسعينات . وتقريبا ده بيأثر على الغيارت بيبقى الفتيس تقيل شوية .رحت لميكانيكي جربها والعربية واقفه جاب شوية زيت وبحقنة على مكونات الدبرياج من تحت نعم شوية بسيطة جداً وبعد ين رجع تاني نفس المشكلة قالي بقى ممكن يكون من الفرش بتاع الدبرياج ولازم يتحل بالكامل وعشان أنا لسه في الضمان رحت التوكيل قالولي مافيهاش حاجة ولكن المشكلة زي ما هيا وبعدشد وجذب وشكوى للشركة قالولي هانغير طقم الدبرياج بس انت هاتشيل تمن الأسطواتة بس ده بالرغم من سحب العربية جميل وصوتها مش عالي عند السحب فياريت لو فيه حد عنده حل يقولي عليه لأني ابتديت أزهق و أنا بأغير السرعات . و أسف على الإطالة |
رد: حاجة غريبة في الدبرياج!!!
هوه كان حصل قدامي شبيه بالمشكله دي وكل اللى حصل الدبرياج بقه تقيل وكله عادي ولما اتغير طقم الدبرياج بقت تمام مع العلم ان العربيه كانت كورولا
|
رد: حاجة غريبة في الدبرياج!!!
لو غيرت طقم الدبرياج المشكله هتروح والدبرياج هينعم معاك ..
|
رد: حاجة غريبة في الدبرياج!!!
غير زيت الفتيس الاول وبعدها نشوف الطقم
|
رد: حاجة غريبة في الدبرياج!!!
هو الكلام دا والعربية باردة ولما تسخن الفتيس ينعم ولا على طول بيعض وناشف
|
الساعة الآن 07:53 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017