ياريت يا جماعه محدش يحاول يشترى نيسان من اوتو ايجبت
 

السلام عليكم،
مش هطول عليكو بس دى كانت قصه شرائى اعربيه صنى 2011 مانيوال ABS
انا رحت للمعرض ده وكنت متوقع انى هلاقى هناك معامله كويسه على اساس انهم يعتبروا من الوكلاء الكبار لنيسان
بس للاسف طلع غير كده ادونى سعر كويس اوى للعربيه و ثبتونى بأن العربيه موجوده وكله تمام و ان احنا مش هنفرض عليك بنك او شركه تامين معينه (لانى كنت ناوى اخدها قسط)
المهم جبت الاوراق الازمه للقرض وطلبت منهم يرشحولى بنك و بدأو فى الاجراءات.
يوم و التانى واسبوع و التانى و انا كل شويه اكلمهم مره يردو و عشرين لأ و كل شويه اعدى عليهم و يسمعونى نفس الكلام (خلاص كلها يوميين و نخلص) لحد ما بجد كرهت العربيه وكرهت اللى ييجى من وراها.
المشكله الاكبر انى كنت دافع مقدم العربيه كامل (20%) يعنى مش فاضل غير ان البنك يخلص و استلم
اكتشفت فى الاخر انهم بيعملو كده لان العربيه سعرها هيزيد و كانو مأخرنى للسبب ده دا طبعا بعد ما كلمونى و قالوللى ان العربيه سعرها زاد 1500 جنيه
طبعا اشتكيت لمدير المبيعات و كلمت نيسان على 16244 و كل واحد يقوللى اه انت عندك حق تاخدها بالسعر القديم و مفيش حد بيعبرنى بعدها

من الاخر محدش يشترى من المعرض ده لانهم اساتذه تثبيت
يديك سعر فى العربيه و بعدين يقوللك معلش دا سعرها زاد بعد ما يطلع عينك من التثبيت و اول ما تزهق يقوللك خلاص انحنا خلصنا و ممكن تستلم بس السعر زاد
وطبعا اى حد تانى بعد اللف دا كله يوافق لانه ما هيصدق انه هياخد العربيه

معلش طولت عليكم بس حبيت احكيلكم على تجربتى وياريت حد ينصحنى بوكيل لنيسان يكون كويس

شكرا
احمد

رد: ياريت يا جماعه محدش يحاول يشترى نيسان نت اوتو ايجبت
 

قلة ادب! اتصل بجمعية حقيق المستهلك و ابعت الموضوع في كل الصحف الاليكترونية

رد: ياريت يا جماعه محدش يحاول يشترى نيسان نت اوتو ايجبت
 

لا خالى بالك انت اشتريت بالسعر القديم ، لا تدفع أكثر من ما تفقت عليه او ارفض اتمام هذه العملية بتلك المهزلة

رد: ياريت يا جماعه محدش يحاول يشترى نيسان نت اوتو ايجبت
 

ربنا يوفقك لما فيه الخير ومتسكتش على حقك

رد: ياريت يا جماعه محدش يحاول يشترى نيسان نت اوتو ايجبت
 

متشكر جدا يا رجاله مصر
بس انا فعلا لو رحت لجهاز حمايته المستهلك هيقدر يساعدنى؟!!!