ارجو المساعده من الخبراء للضروره
 

السلام عليكم ورحمة الله وبركاته
كل سنه وانتم طيبين
الموضوع باختصار احد اصدقائي بيشتري عربيه 504 بحاله جيده ب12000 جنيه بس طبعا مش دا سعرها خالص قالي
(((وهو دا الموضوع))) اصل العربيه عليها نمر المنطقه الحره
ولازم كل 6 شهور اروح اجيب من هناك جواب امشي بيه
السؤاال
حد عنده فكره عن موضوع الجواب كل ست شهور دا عشان تمشي بعربيه نمر منطقه حره مدفعتش جمارك
(ولو الموضوع سهل كدا مش كنا هنلاقي ناس كتير عملاه)
وهل فيه كدا اصلا ولا دي اشتغاله؟؟
ولو اشترينا العربيه ينفع ننقلها مرور المنوفيه بعد كده بدفع الجمرك!!!
ولو في كده تكلفة الجواب بتاع كل 6 شهور دا كام
واشكركم وانا في انتظاركم

رد: ارجو المساعده من الخبراء للضروره
 

غلط وحاسب

أما بالنسبة للافراج المؤقت عن سيارات المصريين المقيمين بالخارج والسياح والعابرين القادمين لقضاء فترة مؤقتة بالبلاد فيتم كالتالى:

يجب أن يتم الافراج المؤقت فى حدود فترة الإقامة المؤقتة المثبتة على جواز السفر وبحد أقصى 6 أشهر خلال السنة ويجب بعد انتهاء هذه المدة إيداع السيارة داخل ائرة جمركية مخصصة لذلك أو إخراجها من البلاد ولا يجوز إعادة الإفراج المؤقت عنها إلا بعد انقضاء مدة مماثلة لتلك المدة التى قضتها السيارة بالبلاد.

أما مقابل الخدمة للإفراج المؤقت فيكون كالتالى:
500 جنيه عن الثلاثة أشهر الأولى أو جزء منها.
1000 جنيه عن السيارة عن الثلاثة أشهر التالية أو جزء منها.
100 جنيه عن كل سيارة من السيارات الواردة صحبة الأفواج السياحية ويجب ألا تجاوز مدة الإفراج عن هذه السيارات شهرا واحدا.


الشخص الذى يريد بيعها هيدبسك فى جمرك العربية لو عاوز تدخلها البلد على طول. ولو سبتها على النظام دة يبقى هتدفع 1500 جنية كل 6 اشهر. هذا لو العربية جاية من برة بنظام المنطفة الحرة.

أعتقد ان العربية دى تتبع نظام بورسعيد لان سكان برسعيد لهم الحق فى شراء عربيات من الخارج بدون دفع جمرك طالما كان من سكان بورسعيد ومقيم فيها لمدة عدد من السنوات. لو بيمشى فيها فى بورسعيد مش بيكون فيها مشاكل ولكن لو طلع برة المحافظة بيدفع فلوس صغيرة و بيكون مسموح تطلع 4 مرات فى السنة

رد: ارجو المساعده من الخبراء للضروره
 

الف شكر يا استاذ تامر
يعني هيدفع سنويا 3000جنيهايه ياترى اعتقد انه بعد الكلام دا مش هيشتريها
ولو هيدفع جمرك عربيه قديمه زي دي (504) هيكون كام ؟