مصر موتورز مجتمع السيارات - ناوي اشترب 127 ان شاء الله

مصر موتورز مجتمع السيارات (https://www.masrmotors.com/vb/index.php)

- 127 Fiat Ritmo (https://www.masrmotors.com/vb/forumdisplay.php?f=232)

- - ناوي اشترب 127 ان شاء الله (https://www.masrmotors.com/vb/showthread.php?t=127298)

ناوي اشترب 127 ان شاء الله

سلام عليكم
اخوكم ناوي يشتري عربية 127 ان شاء الله للاسباب الاتية
انا ساكن في حتة مواصلاتها صعبة شوية " امتداد مايو بحلوان" و لازمني عربية انزل بيها حلوان فقط و ليس اكثر و انا هاكون متجوز ان شاء الله فا لو اضطرتني الظروف اني اخرج بيها بره حلوان هاعمل كده او ممكن اسافر بيها مرة في السنة ولا حاجة
دلواقت الاستفسار هاقوله علي نقاط علشان ما اطولش عليكم
1. انا معايا حوالي من 10 ل 13 الف فقط ممكن اجيب بيهم العربية .... انا كنت محتار و عاوز اجيب حاجة ما اصرفش عليها كتير ... الا ان ده شبه مستحيل ... واحد نصحني اني اجيب حاجة بثلا بحوالي 8 و اشدها شدة محترمة بالخمسة الباقيين علشانا ابقي عارف انا جايب ايه و من امتي و اريح دماغي منها فترة ..... راي الخبراء ايه؟
2. انا قعدت مع واحد معاه العربية دي ... من الاخر فهمني ان كل شئ متاح اني اعمله في العربية دي يعني ممكن اخليها انضف من اي عربية زيرو ... هوا نفسه جايب عربية ماكانش فيها غير الماتور و الهيكل و غير فيها كل حاجة .... و في نفس الوقت قعدت مع ناس اصلا خوفوني منها و من انها عربية علطول كل حاجة فيها بتبوظ بسرعة و اني مش هابطل اصرف عليها و ان ممكن يكون فيها عيوب مابتتصلحش و هاخسر لما ابيعها اصلا:fun_Whispering:
3. اجيب 127 ولا 128 ايهما احسن من ناحية الاداء و المصاريف و المستقبل و بيعها لما اعوز؟
4. هل الفلوس اللي معايا دي تكفي اصلا و ممكن اعمل عربية حلوةشكلها نضيف من بره و من جوة و مايبقاش شكلها عكر كده مليانة سلوك و مصارنها طالعة عليا ز
5. و اخيرا علشان ما اطولش انا عاوز اعرف ايه هيا عيوب العربية دي اللي مالهاش حل علشان مابقاش شايف الدنيا وردي .... و لما اشتري ابص علي ايه علشان اعرف ان العربية تستاهل " انا كده كده هاخد خبير بس برضه " و انزل اجيب من سوق الجمعة ولا اجيب من حاجات معروضه علي النت اضمن.

شكرا ليكم مقدما

رد: ناوي اشترب 127 ان شاء الله

وعليكم السلام ورحمة الله وبركاتة

هو المبلغ اللى معاك مش مريح فى سوق المستعمل دلوقتى والاسعار بتاعة اليومين دول لو تعرف تعمل عليهم جمعية ولا تزودهم يبقى افضل من انك تجيب عربيه تتعبك

وفى كل الاحوال النصائح ديه خليها فى دماغك
اهم حاجة اساسيات العربيه شاسية وحوض وشنطة قوائم وسقف بالنسبة للصاج والموتور والفتيس بالنسبة لالات الجر اى حاجة تانية ليها حلول بس برضو ليها تمن فلوس ووقت وصنايعية
لو انت متعرفش صنايعية وبتوع قطع غيار كويسين ومضمونين موضوع ان تجيب عربيه وتشدها هيكلفك وهيتعبك وهتلاقى فى الاخر ان شراء العبد ولا تربيته
وبالنسبة للشراء الافضل تشترى من حد تعرفه او حتى تقابله على الانترنت وتطمنله وتشوف ورق العربيه كويس وممكن من السوق بس خد بالك من التجار وحركاتهم واستخير وتوكل على الله لو لقيت حالة جيدة بسعر مناسب غير كدة اصبر لحد ما تلاقى الاحسن ومتتسرعش وان شاء الله تلاقى احسن عربيه

رد: ناوي اشترب 127 ان شاء الله

اقتباس:

المشاركة الأصلية كتبت بواسطة ahmedsalah (المشاركة 962927)

الف شكر علي ردك السريع ... يعني 13 الف مايخلونيش اجيب عربية 127 و اشدها شدة كويسة ... اصل كل الناس بتقولي ان شدها مش غالي مقارنة بباقي العربيات ... يعني لما اجيبها ب 8000 واصرف عليها 5000 جنيه اظن كويس ولا ايه؟ مشكلتي اني باجهز للزواج و اش هاقدر اشتري عربية اعلي من كده لاني احتياجاتي مش كتيرة قوي ده غير اني ما هاقدر اصرف علس عربية غالية

رد: ناوي اشترب 127 ان شاء الله

فين الخبرا يا جماة .... عاوزين حد يكون معاه العربية يقولنا بالتفصيل

رد: ناوي اشترب 127 ان شاء الله

الـ 127 أفضل من الـ 128 فى حاجات معينه
رغم أن الـ 128 أوسع بس حضرتك مقبل على الزواج (ربنا يتم لك بالخير) يعنى لسه الأسرة صغيرة, و الـ 127 هتقضى الغرض
العربية ممتازة و ليها سمعه زى الفل, بس المهم تلاقى حالة كويسة
أنت ممكن تجيبها بـ 8 و ممكن تجيبها بـ 12
الفرق بين العربيتين الحاله
يعنى شيل من دماغك فكرة أجيبها و أشدها
لأ زود الفرق و أشتريها مشدوده جاهزة و لو أغلى ألفين تلاته
و تبقى ريحت دماغك من قرف الصنايعية و حرق الأعصاب و فرحت بعربية مش محتاجه حاجه.
الـ 127 ( و كل العربيات التقليدية القديمه) قطع غيارها فى كل مكان بس مضروبه و بتبوظ بسرعه.
المهم تكشف عالأساسيات اللى قالوا عليها الإخوه هنا كويس جداً
ربنا يعينك, أنا عارف الصحرا اللى أنت فيها لازم لها عربية