رد: إضافة ظالمة في تجديدات مصر للتأمين
 

السلام عليكم اخى الكريم

بالنسبة للموضوع الى حضرتك اتكلمت فية انك ما اخدتش خصم عدم مطالبة 20% لو حضرتك جددت الوثيقة قبل انتهائها ب 10 ايام مش هاتاخد الخصم اما لو جددتها قرب انتهاء التاريخ ب 3 ايام هاتاخد خصم 20% لو اخدتوش طالب بية دة حقك

موضوع التجديد دة بيبقى حق المنتج صاحب الوثيقة و دة نظام معمول بية فى جميع الشركات اما فى حالة انك مش عاوز تتعامل مع الشخص دة تانى لاى سبب بتروح انت و الشخص الى تحب تشتغل معاة للادارة و بتكتب طلب تغير انتاج ( و انصحك باستاذة ايمان معانا هنا فى الموقع للتعامل مع مصر للتامين هاتفيدك اوى )

موضوع التعامل بعدم احترام عندك حق فية كنت اشتكيت لمدير الفرع لازم تاخد حقك

موضوع انهم يعملو الى همة عاوزينة محتاج توضيح من حضرتك لو سمحت قلنا اجبروك على اية و احنا نقل دة صح ولا خطاء

موضوع السيارت الحديثة ارخص دة صح لان كل ما الموديل يقدم نسبة التامين تزيد دة صح مافيهوش غلط

لو عاوز نسبة ثابتة يبقى قناة السويس للتامين 3.5% هاتخدها السنة دى و الى جاية

اتمنى انك ما تكونش مضايق موقف و عدى و احنا تحت امرك ومعاك فى اى استشارة ومعانا هنا ايمان متخصصة مصر للتامين

رد: إضافة ظالمة في تجديدات مصر للتأمين
 

[QUOTE=تامين سيارات;419613]السلام عليكم اخى الكريم




بس مايمنعش اني أشكر الاستاذ/ تامين سيارات على اهتمامه

رد: إضافة ظالمة في تجديدات مصر للتأمين
 

[QUOTE=ashussein;419583]السلام عليكم ورحمه الله وبركاتة
بعد كل خير وسلامة لكل اعضاء منتدى نايل موتورز الحبيب

حبيت اني انشر المعلومات دي لكل من يهتم بتجديد وثيقة التأمين لسيارتة في الشركة العريقة " مصر للتأمين "

ابداء كلامي بالتالي:- بعد مرور اول سنة " والحمد لله بدون حوادث وانا لم اطالب شركة مصر للتأمين بشيء"

وكما هو المكتوب في الموقع الرسمي للشركة علي الانترنت لاحظت التالي

1- انة يتم الحصول علي خصم 20 % لو المأمن لة لم يتقدم بمطالبة للشركة ( وهذا لا صحة له ولم احصل علي الخصم)
بالنسبة لخصم عدم المطالبة يتم فى حالة تطبيق سعر التعريفة
2- حاولت مرارا اني اقوم بعملية التجديد بنفسي ( بدون وسيط ) " وهو شخص من خارج الشركة بين الشركة والمأمن لة
لم استطيع علي الرغم اني كنت واقف علي مكتب المسؤل في مقر الشركة وقالي لي ( كلم الراجل ده وهو ها يخلص معاك )
حضرتك ممكن تتعامل مع اى وسيط انت عاوزة مش مفروض عليك اى شخص . حضرتك بتروح مكتب المدير و بتكتب انك عاوز تغير الوسيط للشخص اللى تحب تتعامل معاة
3- حاولت ان اصدق ما هو مكتوب في الموقع الرسمي لمصر للتأمين انه يمكن التعامل رسمي بال Visa وبسؤالي الموظف في موقع الشركة ( رد بسرعة لالالالالالالالالا) .. وبعد كده عرفت انة لازم كاش علشان العموله الغير رسمية تندفع

بالنسبة لموضوع الفيزا هسأل و هرد على حضرتك لانى مش بحب اقول حاجة وتطلع غلط
4- واخيرا عرفت من الوسيط وانا في مقر الشركة ان للاسف اني انا تحت رحمتة ويقدر يعملي اللي هوا عاوزة لدرجة للاسف (( اني اديتة هوا الفلوس في ايدة كاش علشان يديني وصل التجديد من الشركة في "طرقة الشركة وموقعها واني للاسف لم اعامل بإحترام من موظفين الشركة والله الموظف كان ( بيسقى بسكوت في الشاي ) اللي خلوني اتعامل مع الوسيط ))
بالنسبة لموضوع السداد ممكن حضرتك تعطى الفلوس للوسيط او تسدد فى الفرع اللى الوثيقة تابعة لية
5- لاحظت عن كلامة ان السيارات الحديثة بنسبة 3.2 وان سيارتي علشان موديل 2008 بنسبة 4.2 % ( ده كلامة) وطبعا مجبر اني اصدقة

بالنسبة لموضوع النسبة الكلام صحيح

واخير ا الكارثة ----
لاحظو معايا شركة مصر للتأمين اضافت اية بعد الثورة
اضافت انها شايلة مسؤليتها عن تغطية مهمة جدا وهي المفروض اسمها "شركة مصر للتامين"

اية التغطية اللى الشركة شالت مسئوليتها عنها
وطبعا بعد ما جددت شوفت اللي في ظهر التجديد طبعا ما انا مجدد في ( طرقة مقر الشركة الرسمي عن طريق الوسيط اللي هما فرضوه علية )
حضرتك مش مفروض عليك اى حد و ممكن حضرتك تروح الشركة و تغير الوسيط لاى حد انت عاوزة
ارسله لكل الناس للاستفادة
(( وعلي استعداد تام لاثبات كلامي واي معلومات اضافية ))
انا حابة اعرف منك شوية معلومات
اسم الموظف اللى قال انك لازم تجدد مع نفس الوسيط و الوثيقة تبع اى منطقة
كنت عاوزة اعرف مبلغ التأمين بتاع السنة اللى فاتت و القسط
و لاى استفسار انا فى الخدمة

رد: إضافة ظالمة في تجديدات مصر للتأمين
 

[QUOTE=أبو اياد;419629][QUOTE=تامين سيارات;419613]السلام عليكم اخى الكريم




بس مايمنعش اني أشكر الاستاذ/ تامين سيارات على اهتمامه[/Q

النقطة الاولى ::: يوجد ميعاد لتنفيذ الخصم يعنى مش فى اى وقت تاخد الخصم دة قصدى

النقطة الثانية واضحة جداااا :::: مش عاوز تتعامل مع شخص بعينة بتطلب تغيرة و دة بطلب و انا عن نفسى رشحتلك ايمان معانا هنا فى الموقع و اضافة مشاركة ممكن تكلمها فىالتلفون و على شان هية بتشتغل فى مصر للتامين قلت ادلك على حد من الشركة يعنى

الكلام واضح يا استاذى اقراءة براحة بس

رد: إضافة ظالمة في تجديدات مصر للتأمين
 

السلام عليكم ورحمة الله وبكاتة
السيدة ( eman 2205 ) بعد التحية
برجاء العلم ان نشري لتجربتي دي فقط لتكون عبرة لاي شخص وتكونلو (( حرية الاختيار )) وما يعملش زيي لاني ما كنتش عارف ان المعاملة ها تكون كده...

اولا البند الثالث برجاء ملحظتة في الصورة .. ولو الصورة مش باينة ان مصر للتأمين شايلة إديها من احداث الشغب والاعتصامات واي اضرار اخري (( بمعني اني لو لاقدر الله راكن العربية تحت البيت وقام حد بهدلها وجري --- مصر لتامين ممكن تقول ده اعتصام او شغب او شيء من الكلام ده في اي لحظة والاقي نفسي في الهوا))

ثانيا : انا اصلا مش عاوز موضوع الوسيط ده ... انا اصلا كنت في فرعهم بنفسي ولية المانع اني ادفع في الحسابات بنفسي ؟
وتعامل معاهم بنفسي ..هل كلامي مش واضح... هوا لازم يكون فية وسيط .... مش الوثيقة دي بيني وبين الشركة .. لية تحطلي وسيط
ده كان الملف بتاعي علي مكتب الموظف ( اللي بيسقي بسكوت ) وهو بنفسة اللي قالي ( اتصل بالراجل ده وهوا هايخلص معاك )
واخيرا المعلومات كالتالي وربنا يكون في عوني لو حد قرب مني والله هابهدلهم واشتكيهم في كل مكان ومش هاتفرق معايا الوثيقة .. لاني ماشي كويس وبما يرضي الله وماقدمتش مطالبة قبل اخر السنة لتجديد السيارة زي معظم ضعاف النفوس ما بيعملوا في شركات التامين ...ويستغلوها ..

اولا
اسم الفرع - القاهرة شمال فرع الالفي والمقر الموجود في م طلعت حرب
والدور الثامن مكتب الاستاذ" كرم "وده رقم تليفونة 0129448508 ( ده اللي كان بيسقي بسكوت ) وإداني رقم المخلصاتي اللي خد الفلوس مني علشان يديني الوصل
تاريخها 11-5-2011 الي 11-5-2012 بمبلغ 60000
تاريخ التحصيل 2-5-2011

تاريخ انتهاء الوثيقة القديمة 11-5-2011 بمبلغ 65000 ( ودي كان من المفروض اني اخر الخصم بتاع عدم المطالبة اللى هما بيتكلموا عنة في موقعهم علي الانترنت ) و دفعت فيها 2760 جنية دي الوثيقة القديمة اللي انا رحت اجددها قبل الميعاد

واي معلومات تانية انا في الخدمة .... وشكرا علي الاهتمام