معايا حاليا مبلغ ومش عارف اجيب ايه .. اى اقتراحات ؟
 

السلام عليكم

دلوقتى ياجماعة انا معايا مبلغ 15000 جنيه ومحتار اجيب ايه
ماركبتش عربية قبل كده وظروف الشغل اضطرتنى لانى اشترى

المهم انا همشى بيها فى حدود 80 ك يوميا

ف تنصحونى بايه فى حدود المبلغ ده ؟

رد: معايا حاليا مبلغ ومش عارف اجيب ايه .. اى اقتراحات ؟
 

عاوز أقولك لادا بس خايف تدعى عليا بعد كده
للأسف المبلغ المتاح هيخليك بتبص على حاجات قديمة. و حضرتك بتقول 80 كم يومياً , يعنى محتاج حاجة حالتها جيدة عالأقل
الأفضل تبص على 127 - لادا - 128 دى الحاجات اللى ممكن بالمبلغ ده تلاقى حاجة حالتها متوسطة... غير كده هتبقى حالتها ضايعة و محتاجة شغل كتير.

و أهم حاجة تكشف عليها كويس جداً, أنت بتتكلم فى حاجة موديل ثمانينات يعنى ماشية من 25 - 30 سنة...فى مرحلة الشيخوخة يعنى.
بلاش تشترى من تاجر أو معرض... حاول تتابع إعلانات مواقع بيع العربيات و المنتدى هنا و تشوف حاجة بيتى (يعنى صاحبها اللى متسجلة بأسمه هو اللى بيبيع و تكشف عليها و تطمئن أنه مكانش بخيل عليها و بيصلح و بيتابع أول بأول)

أعانك الله

رد: معايا حاليا مبلغ ومش عارف اجيب ايه .. اى اقتراحات ؟
 

شكرا يافندم ع الرد

انا فى حد فعلا عارض عليا 128 والمفترض اروح اشوفها بس لما بحثت ع النت عرفت ان مشاكلها كتير وان ال 127 افضل منها قوية عنها وتستحمل
ولا ايه راى حضرتك ؟

رد: معايا حاليا مبلغ ومش عارف اجيب ايه .. اى اقتراحات ؟
 

القديم كله أكيد فيه مشاكل و ده الطبيعى... بس زى مبيقولوا على قد لحافك
الصح أنك تحاول تلاقى حاجة حالتها حلوة
الـ 127 سمعتها أفضل شوية من الـ 128
و اللادا و الـ 124 سمعتهم أحسن من الـ 128 رغم أنهم نظام مختلف
الـ 128 ممتااااازة بس لو حالتها كويسة يعنى مش رشة دواخل و لا ماسكة بارومة و ده اللى صعب تلاقيه فى الـ 128 بالذات
فيه عندك البولونيز برضو ممكن تخليها فى حساباتك... عربية محترمة جداً بس شكلها اللى ظالمها
عموماً إحنا مش بنبص للشكل إحنا عاوزين الحالة الجيدة

أعانك الله

رد: معايا حاليا مبلغ ومش عارف اجيب ايه .. اى اقتراحات ؟
 

شكرا جزيلا