استحلفكم بالله الرد
 

انا متزوج وزوجتى كانت عامله حادثه منذ 2002 وهى خرجه من عملها وهى تعمل بجهه حكوميه وكان تقرير الطبى انى نسبة العجز 35% فانا عايز دلوقتى اشترى عربيه للمعاقين فهل ينفع وهل فيه مشاكل لو انا سوقتها بصفتى زوجها وعايز اعرف النسبه ديه ثابته ولا بتتغير لانى زوجتى دلوقتى بتمشى عادى مش ملوحظه فيها نسبة العجز وعايز اعرف ايه المطلوب لكى اشترى سيارة الموعاقيين وهل الموضوع ده هينفع ولا اشترى 128 على قد فلوسى
وايه رايكم

رد: استحلفكم بالله الرد
 

- بداية الف سلامة على زوجة حضرتك
- ونسبة العجز 35 % اكيد خرجت معاش ولو كانت تلك النسبة حُسبت اصابة عمل فكلمنى على الخاص لان لدى خبرة طويلة بهذا الموضوع وممكن افيدك
- اما موضوع ان النسبة تتغير فهى تحتاج الى تفاصيل اكثر
- اما موضوع سيارة المعاقين فلا يُـلتفت لاى تقارير طبية معك ويتم الكشف الطبى عليها بمعرفة اللجنة الخاصة بهم ومنة مستعجل بعد شهر او عادى بعد ثلاث شهور و العنوان لو احتجتة ممكن اجيبهولك بالقاهرة والكشف ليس معقد
- ومن شروط رخصة السيارة ان يكتب بها ( لا يقودها الا مالكها ) اى ان حضرتك لا يمكن القيادة قانونا ً ولكن فى اغلب الاحيان لا تحدث مشاكل بعيدا ً عن اللجان
- كما انها يكتب بالرخصة الخاصة بها تقود السيارة رقم ( اى لا يجوز لها بتلك الرخصة قيادة سيارة اخرى )

رد: استحلفكم بالله الرد
 

- معلومة اخرى ان السيارة لا بد ان تجهز طبيا ً حسب مكان العجز
- والجهاز عبارة عن ذراع لنقل الدبرياج لتحويلة يدوى ان كان العجز بالقدم اليسرى مثلا ً
- وللاسف لا يسمح بسيارة اتوماتيك الا فى حالة فقد احد الاطراف ( ونحمد الله على ما نحن فية )
- ومن شروط ترخيص تلك السيارة وجود هذا الجهاز

رد: استحلفكم بالله الرد
 

انت موسوعة يا عم ميشو :) صباح الخير يا باشا :fun_36_3_11[1]:

رد: استحلفكم بالله الرد
 

- صباح الفل ابو نورا
- ودى شهادة اعتز بيها وكتير علينا الورد