والله لما بعتها مكنتش أعرف راميه فين ... ولما لقيته مش لاقي رقم الراجل أكلمه
العربية بعتها عشان أنا كان عندي هوس الأصلي وكانت كل ما تفتح في حاجة أجري عالتوكيل
فلقيت نفسي كل شهر بدفع فوق الألف ونص
كمان مشكلة إنها خفيفة على طريق السفر ... وأنا مؤخراً بدأت حياتي تقلب سفر كتير
طلعت بيها الغردقة وأنا رايح كانت ساترة معايا جداً ... بس كان في الصيف ولما وصلت الفندق هناك كان تكييفها بدأ ينقط مية على رجلي جوة العربية ... بس مكن يكون من طول الطريق لإني وقفت في ريست واحد بتاع 10 دقايق ... بس وأنا راجع كانت خفيفة مني قوي عالطريق لدرجة إني كنت بعافر عشان متروحش مني ... كنت راجع فوق الـ140
بس ما شاء الله عليها سترت جداً معايا في إنها كانت متحتملة طول الطريق
فبعتها عشان ثبات السفر وعشان كان فيها شوية مشاكل مش لاقيلها حل ... ممكن حد غيري يستحملها بس أنا كانت جايبالي هبل في دماغي
كان فيها التكييف ساعات بتطلع منه ريحة بلاستيك كده ومحدش لاقيله حل.
كانت محتاجة سمكرة ودهان
وعموماً بعتها لإنها كانت بدأت تطلب كل شهر حاجة فلقيت نفسي مصاريف بمصاريف أجيب حاجة للسفر.
العربية كانت عاملة 70,000 كليومتر -موديل 2009 - وكانت رشة حزام في أخر التأمين عليها - بس اللي إشتراها محتاجة منه دهان وسمكرة خفيفة - كانت أعلى المانوال - وحالة موتور ودواخل كانت زيرو - بس كانت برة متجرحة كتير بسبب ركنة الشارع
وبعتها على 59,000 ... ربنا يبارك للي أخدها فيها
وجبت دلوقتي أوكتافيا بقالها شهرين ... أوكتافيا 2007 ... لإني بصراحة مش ناوي أجيب زيرو تاني في البلد دي.