مصر موتورز مجتمع السيارات - ماتريكس

مصر موتورز مجتمع السيارات (https://www.masrmotors.com/vb/index.php)

- Hyundai Accent - فيرنا الجيل 2 (اهم الموضوعات) (https://www.masrmotors.com/vb/forumdisplay.php?f=132)

- - ماتريكس - فيرنا (https://www.masrmotors.com/vb/showthread.php?t=147814)

ماتريكس - فيرنا

السلام عليكم ورحمة الله
ممكن اعرف معلومات عن الماتريكس
(مواصفاتها وعيوبها قبل مميزاتها )
اخر موديل ليها ومتوسط سعره ؟ في منها فاميه ولالا ؟
وايه الفرق بينها وبين الفيرنا ؟
وايه الملحوظات اللى ادور عليها وانا بتفرج على الماتريكس خاصة داخلها وخارجها ؟
وشكرا جزيلا

رد: ماتريكس - فيرنا

الماتريكس عربية عائلية بامتياز مساحة واسعة تصميم ايطالى مش كورى فى وقت كان الكوريين لسه بيحبو فى عالم التصميم مساحات تخزين فى كل حتة حواليك فى العربية قعدة مريحة ورؤية للطريق ممتازة وفى الاخر تصميم الموتور ووزن العربية متناسبين فهى مش عربية عائلية كسولة كالعادة ولما يبقى ده مع استهلاك بنزين معقول لموتور 1600 فده انسب حل اقتصادى لاسرة متوسطة او لتاجر بيستخدم عربيتة فى شيل بضاعة مثلا وطبعا مندوبين وشركات الادوية بيعشقوها اجمالا عربية عملية واقتصادية

عيوبها فى رائى ان البودى ضعيف الاكصدامات فيبر مفيهاش كمر حديد وطبعا مش عربية جرى وغرز زى اى عربية عاليه محتاجة سواقة عاقلة اعرف واحد صاحبنا اتقلب بيها بسبب الجر برضو

تقارير وتجارب كاملة عن الهيونداى ماتريكس هتلاقيها فى المنتدى الخاص بيها تقدر تاخد فكرة كاملة عن العربية ومشاكلها ومميزاتها
مواضيع Hyundai Matrix - ماتريكس

رد: ماتريكس - فيرنا

ايه رايك يا ابو نورا
الشكل الجديد ولا الشكل القديم ؟
ومساحة الشنطة الخلفية كام؟ مقارنة بالفيرنا؟
ولو ركبت غاز هيكون كويس ومساحة الشنطة بعد اسطوانة الغاز ؟
وشكرا جزيلا