طريقة جديدة لإيقاف التجار عند حدهم
 

من الملاحظ ان السيارات الصغيرة التجار ما بيرفعوش سعرها قوي مقارنة باستيراد السيارة و دفع جماركها لكن بتنزل فاضية و خاوية على عروشها لكن العربيات الكبيرة زي الكامري مثلا بتبدأ من بما يعادل 105000 جنيه دي اللي هي - جي ال 4 في تي تي أي أوتوماتيك فول أوبشن 2500 سي سي
105000*2.05 = 215,250 جنيه ديه جماركها غير تمن السيارة
215250+105000= 320000 جنيه
و في الحقيقة سعرها في كونتكت 650000 جنيه و 2400 سيسي مش 2500
مثال تاني البرادو سعرها ما يعادل 165000 جنيه بدون جمارك
165000*2.05= 338250 جنيه بدون قيمة السيارة
338250+165000=503250 جنيه ودي القيمة الإجمالية يعني سعر التيوتا برادو 2010 المفروض يبقى كدا
سعره في كونتكت 950000 و 2009 مش الشكل الجديد 2010
يعني الضعف !!!!!! مش كفاية علينا الجمارك لا كمان جشع ليه بقى احنا ما نستوردش العربيات و ندفع جماركها و نخلص بدل الحوجة للتجار أنا عاوز مشاركة جامدة شوية و إجابات منطقية تدخل العقل ليه ما نستوردش بنفسنا من المصانع و طظ في الضمان دا انت بتشتري من المصنع مش صالة فلوس كتير

رد: طريقة جديدة لإيقاف التجار عند حدهم
 

لك كل الحق يا اخى لكن تعالى نعرف ازاى لان الموضوع مش سهل لو عندك اقتراحات يا ريت حضرتط تحطها حتى تناقش وشكرا

رد: طريقة جديدة لإيقاف التجار عند حدهم
 

المصنع مش هيرضى يبعلك عشان فى وكيل لة فى مصر و بينهم اتفاقيات و لو المصنع باعلك الوكيل هيرفع علية قضية و يطالبة بالتعويض عن خسارتة و تعويض تانى لمخالفتة الاتفاق دة بالنسبة للزيرو فقط لكن المستعمل حاجة تانية و لو عاوز زيرو من برة بطريقة قانونية لازم يكون لك حد فى الخارج يروح هو يشترى عربية زيرو باسمة و يبزل بيها مصر و فى الحالة دى هيقدر يجمركها عشان هو اول مالك من الزيرو و بعد كدة يبعهالك و دلوقت القوانين الجديدة بتدى تخفيض كويسة على المستعمل بشرط ان اللى يجمركها يكون اول مالك من الزيرو و فى الحالة دى لا يشترط سنة الموديل

رد: طريقة جديدة لإيقاف التجار عند حدهم
 

لا لو انت سافرت للمصنع لمدة يوم واحد بس هتتكلف 5000 جنيه بس مش هتدفع ضعف تمن العربية الحاجة التانية ان فيه وكلاء في الخليج بيصدروا للأفراد زي الجميح و عبد اللطيف جميل و الجزيرة من وانت في مكانك
و شكرا على المرور

رد: طريقة جديدة لإيقاف التجار عند حدهم
 

اولا : ثمن السياره لا يحدد بواسطة فاتورة الشراء و انما يحدد بمعرفة قوائم المصنع و يعتمد فى مصلحة الجمارك المصرية .

ثانيا : غير مسموح باستيراد السيارات للأستعمال الشخصى لمواطنى جمهورية مصر العربيه , و انما يسمح باستيراد السيارات فى الحالات التاليه :

1- الأستيراد بصفة تجاريه و يلزم بطاقة استيراديه و اعتمادات مستنديه و موافقه استيراديه .
2- المعاقين بالشروط المعروفه .
3- سياره بصحبة راكب قضى فى الخارج مدة لا تقل عن 9 اشهر متصله سواء للعمل أو لأصحاب البعثات الدراسيه .

لابد و أن تكون السياره من انتاج نفس العام الذى تدخل فيه الى البلاد الا أن يكون الراكب هو المالك الأول لها و مشتراه بواسطتة فى سنه سابقة ( مع اعتماد جميع المستندات اللازمه فى السفاره المصريه بالدولة القادمه منها السياره ) و فى هذه الحاله يمنح خصما قدره 10% عن أول سنه و 5 % عن كل سنه بحيث يكون الحد الأقصى للخصم 50 % من قيمة السياره .

ملحوظه

العام الجمركى يبدأ من شهر 10 و عليه فآخر موعد لأدخال موديلات 2010 هو أن تشحن من ميناء الشحن قبل 1 / 10 / 2010 .كما أن السيارات الوارده ( موديل 2010 ) بعد هذا التاريخ و بصحبة راكب هو المالك الأول لها تمنح خصما قدره 10 % من قيمة السياره .

و لا يسمح باستيراد سيارات لأغراض تجاريه فى غير سنة الموديل .

ثالثا : تحسب قيمة العملة الأجنبيه لبلد منشأ السياره حسب القوائم الوارده من وزارة الماليه و ليس حسب سعر الصرف اليومى .

رابعا : طريقة حساب رسوم الجمارك

قيمة السياره ( من المصنع حسب رقم الشاسيه+ النولون ) × نسبة الجمارك حسب سعة المحرك = (1)

قيمة ضريبة المبيعات حسب سعة المحرك × (1) = (2)

قيمة رسم التنميه حسب سعة المحرك × (1) = (3)

قيمة جمارك + ضريبة مبيعات (10 % ) لأى ملحقات أو اضافات على السياره غير الوارده بمواصفات رقم الشاسيه = (4)

اجمالى الرسوم = (1) + (2) + (3) + (4)

لنضرب مثالا

سياره سعة 2000 سى سى قيمتها حسب جدول المصلحة 10000 دولار موديل 2010 و مثبت عليها شبكة علويه ( غير وارده فى مواصفات السياره بالجدول ) و قادمة من دوله خليجيه ( مقدر لها شحن 800 دولار )

قيمة السياره = 10000 + 800 = 10800 دولار

القيمة بالعمله المحليه = 10800 × 5.75 ( سعر الصرف حسب وزارة الماليه ) = 62100 جنيه

جمرك السياره = 62100 × 135 % = 83835 جنيه

تكلفة السياره = 62100 + 83835 = 145935 جنيه

ضريبة المبيعات على السياره = 145935 × 45 % = 65670 جنيه

قيمة رسم التنميه = 145935 * 5.5 % = 8027 جنيه

قيمة الجمرك و ضريبة المبيعات على الشبكة الخارجية = 100 جنيه فرضا

اجمالى الرسوم = 83835 + 65670 + 8027 +100 = 157632

اذ فسياره قمت بشرائها فعليا بمبلغ 9000 دولار مثلا ( 9000 × 5.5 = 50000 جنيه قيمتها بالخارج ) ستدفع عليها 158000 جنيه جمارك و رسوم و بذلك تصبح قيمتها بمصر 208000 جنيه ( طبعا بدون حساب مصاريف الشحن و التأمين الذى قمت بدفعه لشركة الشحن قبل ورودها لمصر )

هل وضحت الرؤيه