مشكله عندى فى لانسر بومه 2008
 

ازيكم يا شباب
عندى العربيه مش بتفرك
العزم بتاع العربيه ف الفرك مش بيحصل
و هى واقفه و اطلع اجرى مره واحده مفيش عزم ف بتاخد وقت على ما بتطلع وتاخد النقله مع العلم ان فى ميكانيكى ركب معايا و صوت المكنه ما شاء الله كويسه
بس صوت المكنه بيعلى لو دايس بنزين جامد
روحت للميكانيكى و غيرت السيور (باور و كاتينه و دينامو )
و غيرت زيت الفتيس و فلتر البنزين و البوجيهات و فلتر الهواء
و نضفت الحساس و البوابه
و لسه فيه المشكله دى ايه الحل ؟؟
دى ممكن من الفتيس ولا ايه بالظبط ؟؟
مع العلم ان اللى بيحصل معايا لما بدوس بنزين جامد مره واحده علشان تفرك المحرك صوته بيعلى و بتاخد وقتها على ما بتسحب وتمشى بسرعه
و جربت على الطريق ادوس بنزين جامد (rpm) عدد لفات المحرك وصل 5 و 6 و السرعه كانت ما بين 40 و 60 كيلو و بعد كدا تاخد وقتها علشان تجيب سرعه اكبر
اظن ان المفروض تجيب اكتر من كدا