اذى اروح السيده زينب من الكونيش
 

برجاء من الزملاء ارسال كيفية الطريق من الكورنيش الى السيده زينب

رد: اذى اروح السيده زينب من الكونيش
 

ياريت انت بس الاول تقولنا : انى كورنيش بالظبط
انت عارف الكرانيش كتيرة : كورنيش حلوان - المعادى أم كورنيش الجيزة - ولا كورنيش المقطم

على اى حال لو جاى من اتجاه كورنيش ميدان عبدالمنعم رياض - التحرير
حضرتك توصل لغايه مستشفى القصر العينى الجديد - تدخل شمال وبعدين تعدى التقاطع بتاع ش القصر العينى - هتلاقى امامك كوبرى يعبر مترو الانفاق
اول ما تنزل الكوبرى انت كده فى السيده زينب .
اما لو جاى من اتجاه كورنيش المعادى - هتفضل واخد طريق الكورنيش كله لغايه ما تلاقى نفسك عديت من جنب سور القاهرة القديم ودخلت اول ش القصر العينى
مع اول تقاطع على يمينك هتلاقى نفس الكوبرى المذكور باعلى - تعبر الكوبرى تبقى فى حى السيده زينب .

ارجو اكون افادتك

رد: اذى اروح السيده زينب من الكونيش
 

انا اقصد انى عديت المظلات فى طريقى للتحرير و عايز اروح السيده زينب

رد: اذى اروح السيده زينب من الكونيش
 

ماشى ياعم ابقى وضح علشان منتوهكش بس
انت جاى من المظلات دخلت شمال على ميدان عبدا المنعم رياض ثم يمينا ميدان التحريرهيبقى المتحف المصرى على شمالك تلف يمين فى الميدان هتلاقى طلعت حرب فى وشك وعلى يمينك شارع الفلكى ادخل يمين فى شارع الفلكى وعلى طووووول لحد م يقابلك قصر عابدين اقرا الفاتحة لاموات المسلمين ومنهم الملك فاروق صاحب القصر وادخل يمين مع القصر ثم يسارا هيبقى القصر على شمالك تكمل هيقا بلك شارع بورسعيد تكسر يمين مع شارع بورسعيد وتمشى على طول لاخر الشارع هتبقى فى وسط ميدان السيدة زينب وهيبقى مسجد السيدة زينب على شمالك

رد: اذى اروح السيده زينب من الكونيش
 

بجد كل الشكر ليكم وربنا يخاليكوا لينا