|
مقارنة هامة...Lancer boma vs Kia cerato
السلام عليكم جميعا انا يا جماعة واقع فى حيرة شديدة ومفيش غيركم بعد ربنا سبحانه وتعالى عشان تيفودونى ان شاء الله انا حاليا وبعد بحث أستمر لفترة طويلة جدا عشان اشترى عربية فى حدود 115 ألف ما بين عربيتين مش لاقى أفضل منهم أو ما ينافسهم 1-لانسر بومة 1600 GLX (Automatic Full option ودى سعرها 112 ألف 2-كيا نيو سيراتوا SX ودى ب 116 الف طبعا الأولى (اللانسر) غنية عن التعريف واللى مخلينى بفكر فيها بشدة وضعها المستقر فى السوق الللى بيدل على اعتمادية عالية بجانب انها يابانى وبكدة تكون مميزتها كالتالى 1-بلد المنشأ افضل (يابانى) 2-وضع فى السوق أفضل (سعر اعادة البيع) 3-قطع غيار متوفرة وبسعر جيد ولكن من الجهة الاخرى هنلاقى العيوب 1-العربية موديل قديم ومنتشر جدا جدا جدا 2-تكنولوجيا قدمت نسبيا 3-كماليات أقل التانية (السيراتو) عربية منطلقة بسرعة الصاروخ وبتثبت نفسها يوم بعد يوم بتكنولوجيا وتصميم على أعلى مستوى وبكدة تكون مميزتها 1-تصميم وشكل على أعلى مستوى 2-تكولوجيا متطورة 3-كماليات رائعة(17 جنوط سبور-تكييف تتش-ESC electronic stability control-information system-Rear parking system-كاسيت هايل-auto light control system-بجانب مزايا تانية كتير) من الناحية التانية العيوب: 1-بلد منشأ اقل نسبيا (كوري) 2-عربية جديدة محدش لسة عارف عيوبها 3-سعر اعادة بيع غير معلوم مستوها لان وضعا فى السوق لسة مظهرش بصورة كافية واخر حاجة ان استلامها حاليا بياخد فترة مش قليلة(حجز واستلام فى خلال 4 شهور!!) مقارنة محيرة ومحتاج مساعدتكم ورأيكم العلمى (وياريت نركز على النقاط التقنية لانى مهندس ودى حاجة ببصلها بعين الاعتبار جيدا) وان شاء الله يكون أحلى عيد عليكوا جميعا اخوكوا تامر المصرى |
رد: مقارنة هامة...Lancer boma vs Kia cerato
نا من رأى خليك فى الانسر عشان عربيه محترمه جدا و السيراتو كده برده بس الانسر حلوه بجد يعنى
|
رد: مقارنة هامة...Lancer boma vs Kia cerato
طيب ما في احسن من الاتنين في نفس الفئه السعريه ولا انت بتختار خلا بين الاتنين دول
|
رد: مقارنة هامة...Lancer boma vs Kia cerato
على فكره السيراتو هي الالنترا و نفس الموتور ... لأن كيا و هيونداي مجموعه واحده و بالتالي قطع غيارهم و مكوناتهم واحده
لكن طبعا في فرق في الوكيل والالنترا اثبتت وجودها لحد دلوقتي .. ومتوقع للسيراتو تاخد نفس خطواتها في السوق ده غير ان السيراتو الاقدم مسمعتش ان حد اشتكى منها لغايه دلوقتي البوما مفروض ان الشارك نزلت مكانها و مش موجوده حاليا على الموقع الرسمي لميتسوبيشي .. لكنها تعتبر اكتر عربيه ليها شعبيه في مصر خلال السنين القليله اللي فاتت مواصفات السيراتو طبعا حلوه .. عيبها بس ان خامات التابلوه مش مريحه لأغلب الناس .. خصوصا بعد الانطباع الاولي من التصميم الخارجي المميز ... السيراتو فيها ABS لكن معتقدش فيها ESC في الفئه دي .. و ياريت برضو حضرتك تتأكد من النقطه دي من الاخر ... كل عربيه ليها مميزاته و عيوبها .. ومتطلبات حضرتك و احتياجك من العربيه هو اللي يحدد الانسب ليك .. لو عايز تبقى في المضمون خليك في الانسر لو عايز الشكل و الاوبشنز ... هات السيراتو |
رد: مقارنة هامة...Lancer boma vs Kia cerato
Dr Mohamed.....انا لسا بقارن بس ده نتاج البحث وياريت حضرتك لو شايف أفضل فنفس الفئة السعرية يقولنا
sam ram.....شكرا على ردك بس أنا احترت اكتر ودلوقتى عايز أسأل ازاى فى الوقت الحالى أقدر اقيم مدى الاعتمادية فى ال سيراتو علما بانها عربية جديدة وعلى فكرة انا كنت بكلم امبارح مع زميل ليا ليه خبرة واسعة مع العربيات رشحلى ال CRUZE لانها فنفس الفئة السعرية وفالاول والاخر CHEVERLOET وافضل أكيد من الكيا(ده رأيه) بس انا تعتراضى عليها هو فرق الكماليات الواضح بين المودلين |
| الساعة الآن 12:16 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017