رد: انــا .. وريـــنــــو لــوجـــان ... تقرير مفصل مصور عنها بعد امتلاكى لها ...
 

انت اللى جميل والله يا باشا ...

تسلملى يا غالى على المشاركة .....

ربنا يحفظك يا استاذ عمرو .. اشكرك على كلماتك الرقيقة ...

وتوصل مصر بالسلامة باذن الله ...

رد: انــا .. وريـــنــــو لــوجـــان ... تقرير مفصل مصور عنها بعد امتلاكى لها ...
 

طبعا يا باشا .. مين يشهد للعروسة هههههههههههه

منور يا جميل ......

رد: انــا .. وريـــنــــو لــوجـــان ... تقرير مفصل مصور عنها بعد امتلاكى لها ...
 

اول حاجه
الف مبروك وربنا يديك خيرها ويكفيك شرها
ثانيا
مش هاينفع نتكلم على عيوب لان سيادتك اشتريت خلاص وبالبلدى ادبست فمينفعش نخوفك من العربية
ثالثا بقى
ان تقريق بجد جامد جدا ومجهود عبقرى اللى انت عامله ده
بس انا لاحظت من تقريرك ان فى حاجات كتيير وحشه فى العربيه
حتى المميزات اللى انت بتقول عليها مميزات انت نفسك ليك تحفظ عليها
يعنى الموتور ال8 صباب ده فاشل بكل المقاييس
موتور مخنوق مش بيريح العربية ولا فى السحب ولا وانت محمل ولا وانت مشغل تكييف
والاهم ان تسريب غازات الاحتراق اقل وبالتالى بأثر على الموتور
من الاخر الناس اللى اخترعت ال16 صباب مكنوش بهزروا ولا عملوه عشان مجرد التغيير مع ان ان شايف ان ال16 استهلاكه اقل من ال8
وانا مجرب
العفشه الناعمه
من الخلف عفشتها متصله
والجديد كله بيعمل عفشه مستقله دى احسن فى المطبات والثبات على الطريق

كورسير ابو فيفى وربنا يخليهالو كان بيسأل على الثبات
اللى انت ياباشا نفسك بتقول العربية بتميل فى الملفات ده طبعا ناتج عن ارتفاعها او بمعنى اصح شعقلتها
انا حاسس ان العربية متشعلقه لفوق وده غلط على الثبات
انا رايى ان العربية دى اللى يخليها تبيع فقط الصالون الواسع

كل ده واحنا لسه متكلمناش على جوده التقفيل المغربيى ولا قوه الوكيل ولا قطع الغيار وتوافرها ولا سعرها


هذا راييى يحتمل الصواب

رد: انــا .. وريـــنــــو لــوجـــان ... تقرير مفصل مصور عنها بعد امتلاكى لها ...
 

ربنا يبارك فيك يا باشا ..

هههههههه

احلى تدبيسة والله يا معلم ..

متقلقش طالما الواحد اتدبس عن اقتناع يبقى مفيش مشكلة ..


هى مش مسألة مميزات او عيوب او حاجات وحشة كتير زى ما انت بتقول ..

المسألة انى من يوم ما جبت العربية وانا كنت شايل هم انى اعمل التقرير ده .. وكنت لازم اكون حيادى تماما وانا بعمله ..

فتخيلت انى بتكلم عن تجربتى مع عربية مش بتاعتى علشان اكون حيادى بقدر المستطاع والنتيجة .. التقرير اللى انت شوفته ده ...

ولو تلاحظ انى دايما كنت بقارنها بعربيتى الافانتى (اللى هى الالنترا 1997) ..

وده لان موتور الافانتى قريب جدا من موتور الفيرنا ..

اما بالنسبة لموتور اللوجان .. فمينفعش نقول عليه "موتور فاشل بكل المقاييس" ... كده انت ظلمته جامد .. لانك حكمت عليه بالفشل ..

لان فى فرق كبير جدا بين انه يكون فاشل وبين انه يكون مش متطور اوى (بالنسبة لكونه 8 صباب) .. وكونك قلت عليه فاشل لانه 8 صباب .. يبقى كده انت حكمت على عربيات كتير جدا بالفشل .. زى الانوس على سبيل المثال ..

موتور الـ 8 صباب ليه مزايا زى ما له عيوب .. والدليل على كده ان شركات كتير جدا لسه بتصنع النوع ده من المواتير لغاية النهارده ..


طبعا من اهم مميزات مواتير الـ 8 صباب .. التوفير فى استهلاك الوقود بنسبة كبيره ..

مواتير الـ 8 صباب ايضا معروف انها بتطلع اقصى عزم واقصى قدرة على عدد لفات RPM منخفض بالمقارنة بمواتير الـ 16 صباب ...



اما بالنسبة لموضوع تسريب غازات الاحتراق السئ فى مواتير الـ 8 صباب .. فده يا باشا كلام للاسف مش مبنى على اساس علمى ..

وبالبديهة والمنطق كده ..

مواتير الـ 16 صباب بيكون فيها 4 صباب لكل سلندر .. 2 لدخول خليط الاحتراق (البنزين والهوا) .. و 2 لخروج العادم ...

ومواتير الـ 8 صباب بيكون فيها 2 صباب لكل سلندر .. صباب لدخول خليط الاحتراق .. و صباب لخروج العادم ..


يعنى العملية نسبة وتناسب .. وبما ان موتور الـ 8 صباب مش بيحرق بنزين قد الـ 16 يبقى كمية العادم هتكون اقل ...

ازاى بقى الكلام ده يا باشا ؟؟!!!!!!!




اسمحلى اختلف معاك يا كبير ..

العفشة المستقلة او المنفصلة ميزتها بتكون فى الراحة الركاب ..

لان كل عجلة منفصة عن التانية بحيث لو فى عجلة نزلت فى مطب او نقره العجلة التانية متتأثرش فتدى راحة اكبر للركاب ..

ولكن على السرعات العالية العفشة المتصلة (عفشة حرف H) تكسب .. من ناحية الثبات ...

صحيح انا قلت ان العربية بتميل مع الملفات ولكن مش بتعوم على الطريق زى الفيرنا ..

اللوجان اثبت من الفيرنا بالتاكيد لكذا سبب .. منها انها اعرض والكاوتش اكبر ...


الصالون الواسع بس ؟!!!

يعنى مش علشان التقفيل ولا الكماليات ولا الامان ولا جوده الخامات و التقفيل اللى بتتفوق فيه اللوجان بمراحل عن الفيرنا ...



والله انا شايف ان تقفيلها المغربى يتفوق على تقفيل الفيرنا المصرى بكتير جدا .. وده رأى ناس كتير مش رأيى انا لوحدى ...





طبعا يا باشا رأيك على راسى من فوق ..

وشئ كويس ان يدور النوع ده من النقاشات .. الى هدفها اولا واخيرا استخلاص النتائج و الخبرات علشان يقدر يستفيد بيها غيرنا بعد كده ..


تحياتى ليك يا غالى ..

رد: انــا .. وريـــنــــو لــوجـــان ... تقرير مفصل مصور عنها بعد امتلاكى لها ...
 

الف مبروك على اللوجان
رغم ان ناس كتير بتهاجم العربية دى الا انى شايف احسن عربية فى الفئة السعرية دى رغم انها اقل انتشار بس احسنهم جودة
واحب اقلك ان اختيارك صحيح جدا والف الف مبرووك