انا عايز افهم حاجه
 

السلام عليكم انا كنت عايز افهم حاجه هو فى حاجه اسمها فلتر هوا اسبور و فلتر عادى و هل الاسبور ده اللى بيدى الصوت الرياضي و هل ده يثار على الموتور بالايجاب و لا بالسلب و سعره بيتدى من كام الى كام و الديفل صحيح بكتم الموتور حتى لو كان نوع نظيف يعنى لازم الموتور يكون نازل بديفل و لا ده كلام فارغ و سعره من كام اللى كام و هل ده ليه ايجابيات حكايه التوربو ده بيسخن الموتور و بيحتاج انك تحط بنزين ذو اوكتان اعلى و ده مثلا بيدى العربيه كام هور بوار و يا ريت سعره كام و هل ده بيتصلح لو باز ولا بيترما و ناسف الاطاله و لكن ده من ثقاتى فى المنتدى و الله يعلم هذا

رد: انا عايز افهم حاجه
 

متابع معاكم و الله يصلح الاحوال

رد: انا عايز افهم حاجه
 

متابع معاك للإشتراك ببعض التساؤلات.

رد: انا عايز افهم حاجه
 

طيب اولاً بالنسبة لفلتر الهواء فيه طبعاً فلتر عادى وده بيبقى بالمقاس والhousing او العلبة بتاعة الفابريكا
الفلاتر السبور ملهاش علبة اصلاً وفكرتها انها تدخل هواء بشكل اكبر واسرع وابرد للموتور وده فعلاً بيفرق فى الاداء
بس للامانة الكلام ده برة اكتر هناك الهواء عندهم نظيف
هنا الهواء نسبة شوائب التراب وغيرة غير عادية ان مكانتش الاعلى فى العالم وبالتالى استخدام فلاتر سبور خاصة الغير اصلية بيدخل شوائب اكتر للموتور ويسرع من تلفه خاصة ولو كان الفلتر اصلى لازم تهتم برضو بصيانته وتنظيفة ده غير الاهتمام بتغييره قبل المواعيد الموصى بيها من المصنع وتحافظ ان الحوض يكون نظيف ويركب بشكل يخليه مقابل للهواء اللى جاى فى وش العربيه ولو احتجت تطولة بيركبة ماسورة
وفيه مواضيع فيها تفاصيل كاملة عن الفلاتر السبور ممكن تستخدم مربع البحث اللى تحت لوجو الموقع فووووووووق خالص هتلاقى مواضيع كتيييييييييير عن الفلاتر السبور بالشروحات بالصور

:fun_36_3_9[1]:

رد: انا عايز افهم حاجه
 

الفلتر السبور بيغير شوية فى صوت العربيه ساعات بس مش زى الديفيل
بيخلى فيه صوت سحب الهواء من الموتور وبيبقى صوت حلو مش وحش ولا مزعج

وبالنسبة للديفيل فهو المفروض شغلتة يخرج عادم الاحتراق من الموتور بشكل اسرع من الفابريكا فيقلل من الضعط على الموتور ويسمح باستيعاب تسقيط مواتير اكبر ودائماً الديفيل الصح بيبقى بالمقاس حسب طول المسافة من الهيدر للاخر العربيه وحسب سعة الموتور
انا معرفش المعادلة ايه بالظبط بصراحة بس الفكرة ان لازم المواسير متبقاش واسعة اوى علشان تضمن ضغط متوازن وكمان متبقاش ضيقة للدرجة اللى تعمل ضغط عكسى

وطبعاً لازم قبل الديفيل يتعدل الهيدر تركيب ديفيل من غير هيدر ولا ليه اى لازمة