تجربه لصديق مع اللوجان
السلام عليكم و رحمة الله و بركاته المهم: انا سألت صديق ليا عن اللوجان لانه اشتراها و قال لى بعض المميزات و العيوب للسياره بس طبعا ما تعتبروش ده تقرير ده فقط رأى صديقى فى السياره (علشان ما حدش يدعى عليا بعد ما يشتريها) العافشه صديقى بيقول لى ان عافشه السياره روعه و فعلا زى ما بيقولوا فى الاعلان بتعشق المطبات و ما بتحكش فى المطبات و كفايه انه ببخلى زوجته تسوقها و انتوا عارفين تعامل السيدات مع العربيات السرعه وصل بيها لسرعه 170 على طريق مصر اسكندريه الصحراوى و اظن ما حدش محتاج اكتر من كده الاتزان بيقول لى انه لغايه ما وصل لسرعة 170 و ما حسش ان العربيه مش ثابته او على الاقل احسن كتير من عربيات فى نفس مستواها زى الفيرنا و اللانوس مع احترامنا طبعا لهذه السيارات التكييف: جيد الكاسيت: اداء ممتاز و صوت نقى معقول و مناسب تصميم التابلوه فوق المتوسط مع عدادات ديجيتال لقياس عدد الكيلومترات التى يمكن سيرها بالبنزين المتاح فى التانك الاتساع: واسعه من الخلف و شنطه عمليه فى السفر و المصايف و الرحلات الموتور: اداء جيد و ليس ممتاز لان صوت ماتورها عااااالى ( من احد العيوب للوجان) و لكن استهلاكها اقتصادى للبنزين الباور ستيرينج: متوسط و ليس جيد فرش السياره: عادى التعامل فى التوكيل: معامله جيده جدا و بدون اى مصاريف (ولا مليم) فى صيانه الالف و الثلاثه الاف و ال خمسه الاف هيكل السياره: عادى و تصميمه يعتبر عائلى اكثر منه شبابى ( مالهاش قابليه للترويش زى الفيرنا مثلا) أرجو انى أكون أفدتكم و شكرا للمتابعه و ارجو ان اى حد ليه تعليق او تجربه مع اللوجان يضيفها |
رد: تجربه لصديق مع اللوجان
الف شكر على التعليق العادل ده
وفعلا اللوجان من احسن العربيات الموجوده فى فئتها |
رد: تجربه لصديق مع اللوجان
مشكور علي التقرير يا باشا
|
رد: تجربه لصديق مع اللوجان
العفو يا جماعه الخير بس فعلا احنا عايزين تقرير بروفيشنال بالصور و بالتجربه علشان انا ناوى اجيب العربيه و محتاج اكتر من راى لان قرار اختيار عربيه بقى صعب قوى
|
رد: تجربه لصديق مع اللوجان
جزاكم الله خيرا
|
الساعة الآن 07:20 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017